سەرۆک بافڵ: خواستی یەکێتی گەشەپێدانی پەیوەندییەکانە لەگەڵ ئێران
کوردستان 10:54 PM - 2024-06-14![سەرۆک بافڵ و عەلی باقری](https://images.pukmedia.com/root/KS/201462024_New Project (72).jpg)
سەرۆک بافڵ و عەلی باقری
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازیکرد لە عەلی باقری، سەرپەرشتیاری وەزارەتی دەرەوەی کۆماری ئیسلامیی ئێران و وەفدێکی باڵای یاوەری.
لە کۆبوونەوەکەدا کە ژمارەیەک لە ئەندامانی مەکتەبی سیاسی ئامادەبوون، دۆخی سیاسی، ئابووری و ئەمنیی هەرێمی کوردستان، عیراق و ناوچەکە گفتوگۆیان لەبارەوەکرا و جەخت لە هەماهەنگیی و کاری هاوبەش کرایەوە لە پێناو پاراستنی سەقامگیری و زاڵبوون بەسەر ئاڵنگارییەکاندا.
هەر لە کۆبوونەوەکەدا بەردەوامیی هەماهەنگی و دیالۆگی جدیی نێوان هەردوو حکومەتی هەرێمی کوردستان و فیدراڵ بەئامانجی چارەسەرکردنی پرسە هەڵپەسێردراوەکان لەسەر بنەمای دەستوور دووپاتکرایەوە بەشێوەیەک دادپەروەری و هاوبەشیی راستەقینە رەچاوبکرێت.
لەدرێژەی کۆبوونەوەکەدا سەرۆک بافڵ جەلال تاڵەبانی ئاماژەی بە گرنگیی پەیوەندیی دۆستانەی نێوان هەرێمی کوردستان و کۆماری ئیسلامیی ئێران بەتایبەت لەگەڵ یەکێتیی نیشتمانیی کوردستان کرد کە مێژوویەکی دێرینی هەیە، خواستی یەکێتیشی بۆ گەشەپێدان و بەهێزترکردنی پەیوەندی و هاریکارییەکان دووپاتکردەوە بەشێوەیەک لەخزمەت بەرژەوەندییە گشتییەکان و بەدیهێنانی ئامانجە باڵاکاندا بێت.
لای خۆیەوە عەلی باقری، سەرپەرشتیاری وەزارەتی دەرەوەی کۆماری ئیسلامی ئێران سوپاسگوزاریی گەل و وڵاتەکەی بە سەرۆکی یەکێتی و هەرێمی کوردستان گەیاند لەبەرامبەر هاوخەمی و بەشدارییان لە پرسەی ئیبراهیم رەئیسی و یاوەرانی. هەروەها بەردەوامیی پشتیوانییەکانی وڵاتەکەی بۆ عیراق و هەرێمی کوردستان دووپاتکردەوە، جگەلەوەی رۆڵ و کاریگەریی یەکێتیی لەناوچەکە بەرزنرخاند و ئاماژەی بەوەکرد، کۆماری ئیسلامیی ئێران بە رێزەوە لە رۆڵی سەرۆک مام جەلال دەڕوانێت لە بونیادنانی عیراقی نوێ و پەیوەندیی دۆستانەمان لەگەڵ هەرێمی کوردستان کە ئێمە پابەندین پێوەی، بەردەوامیی راوێژ و هەماهەنگییەکانی نێوانیشمان لەبوارە جیاوازەکاندا فاکتەرە بۆ پاراستنی سەقامگیری و گەشەپێدانی ناوچەکە.
PUKMEDIA
هەواڵی زیاتر
-
رووناک فەرەج کۆچی دوایی کرد
08:02 PM - 2024-06-17 -
سەرۆک بافڵ پەیامی هاوخەمی ئاراستەی شێخ نەهرۆ کەسنەزانی دەکات
05:05 PM - 2024-06-16 -
کاندیدێکی سەربەخۆی تورکمان لەلایەن ئاسایشی هەولێرەوە ئاگادار دەکرێتەوە
08:41 PM - 2024-06-15 -
پیرۆزباییەکان بۆ جەژنی قوربانی پیرۆز
06:49 PM - 2024-06-15
ئەمانەش ببینە
ناکۆکی لایەنەکان هەڵبژاردنی سەرۆکی پەرلەمان زیاتر دوادەخات
12:45 PM - 2024-06-17
سەرۆک و کەسایەتیەکان پیرۆزبایی جەژن لە سەرۆک بافڵ دەکەن
03:47 PM - 2024-06-16
لەیەکەم رۆژی جەژندا 50 هەزار گەشتیار لە سلێمانین
12:02 PM - 2024-06-16
٧٨ هەمین هەفتانەی دیجیتاڵی ئینگلیزی بڵاودەكرێتەوە
09:14 AM - 2024-06-16
زۆرترین خوێنراو
-
وەرگرتنی گەنمی جوتیارانی هەرێم دەستپێدەکاتەوە
کوردستان 11:24 AM - 2024-06-18 -
پەیامی هاوخەمی مەکتەبی سیاسی بۆ هەڤاڵ د.ئارەزوو مەحمود
پرسەنامە 10:29 PM - 2024-06-17 -
شاڵاو کۆسرەت رەسوڵ بەشداری لە پرسەی محەمەد شێخ نەهرۆ کەسنەزانی دەکات
پرسەنامە 08:08 PM - 2024-06-17 -
رووناک فەرەج کۆچی دوایی کرد
هەواڵ 08:02 PM - 2024-06-17