هاوخەمی قوباد تاڵەبانی بۆ کۆچیدوای مام سەعید

PUKMEDIA

قوباد تاڵەبانی

لێپرسراوی مەکتەبی سکرتارییەتی سەرۆک مام جەلال پرسەنامەیەکی هاوخەمی ئاڕاستەی خێزان و خانەوادەی مام سەعید عەبدوڵڵا بەگ گەڵاڵی دەکات.

دەقی پرسەنامەکە...

بەڕێزان خێزان و خانەوادەی مام سەعید عەبدوڵڵا بەگ گەڵاڵی

بەبیستنی هەواڵى کۆچی دوایی (مام سەعید عەبدوڵڵا بەگ گەڵاڵی)، نیگەران و دڵگران بوم. 

کۆچکردوو مام سەعید تێکۆشەری رۆژگارە سەختەکانی خەبات و پێشمەرگەی دێرین و زیندانی سیاسی، كه‌سایه‌تی دیاری گەڵاڵە و باڵەکایەتی و سۆران، مامی چوار شەهیدی قارەمان؛ (حسن كوێستانی سەرکردە، فه‌رمانده‌ی قارەمان حاجی گەڵاڵەیی، حمه‌ره‌ش و محمود) بوو کۆچکردنی جێگای ئەسەفی هەموومانە. 

بەم بۆنە غەمناکەوە پرسەو سەرەخۆشی لەئێوە و خانەوادە نیشتمانپەروەرەکەتان و تەواوی بنەماڵەی شۆڕشگێڕ و سەربەرزی باڵەکایەتی و سۆران، و بنەماڵەی شەهیدی سەرکردە (حەسەن کوێستانی) دەکەم و هاوبەشی خەمتانم. 

خواى گەورە لەکۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. 

انا لله و انا الیه راجعون 

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

PUKMEDIA