وتەبێژی هەسەدە: هەندێک لایەن بەرژەوەندی میللەتەکەیان ناوێت

PUKMEDIA

وتەبێژی هەسەدە

وتەبێژی هێزەكانی سوریای دیموكرات رایدەگەیەنێت، "پێویستە گەلی كورد دۆست و دوژمنی خۆی لەیەك جیا بكاتەوە", "هەندێك كەس و لایەن كە بەرژەوەندی میللەتیان ناوێت زانیاری نهێنی دزە پێدەكەن".

فەرهاد شامی وتەبێژی هێزەكانی سوریای  دیموكرات (هەسەدە) رایگەیاند: "پێویستە گەلی كورد دۆست و دوژمنی خۆی لەیەك جیا بكاتەوە و ئامانجی هەسەدە و دژەتیرۆر پاراستنی گەلی كوردە نەك بەرژەوەندی حزبی".

وتەبێژی هەسەدە ئەو تۆمەتانە رەتكردەوە كە ئاڕاستەی دژەتیرۆر دەكرێن و وتیشی: "هەماهەنگی نێوان هەسەدە و دژەتیرۆر بۆ پاراستنی باشوور و رۆژئاوای كوردستانە و ئامانج لەو تۆمەتانەی ئاڕاستەی دژەتیرۆر دەكرێن شاردنەوەی راستییەكانە و چەند ساڵێكە لەگەڵ دژەتیرۆر و ئەمریكا شەری دژ بە داعش دەكەن".

سەبارەت بە هەڵوێستی لایەنە سیاسییەكان لەبارەی هێرشەكەی سەر فڕۆكەخانەی نێودەوڵەتی سلێمانی، وتەبێژی هەسەدە رایگەیاند: "پێویستە لایەنە سیاسییەكان و حكومەتی هەرێم راستییەكان ببینن و هەندێك كەس و لایەن كە بەرژەوەندی میللەتیان ناوێت زانیاری نهێنی دزە پێدەكەن".
PUKMEDIA ئوسامە ئەبوبەکر