80 ملیۆن دۆلار بۆ دوو پرۆژەی سلێمانی و دهۆک خەرجدەکرێت

PUKMEDIA

سلیمانی و دهۆک

بانکی نێودەوڵەتی بودجەی دوو پڕۆژەی ستراتیژیی ڕێگاوبانی لە سلێمانی و دهۆک پەسەند کرد، کە بەبودجەی 80 ملیۆن دۆلارە.

وەزارەتی ئاوەدانکردنەوەو نیشتەجێکردنی حکومەتی هەرێم رایگەیاندووە: بۆردی بانکی نێودەوڵەتی لە واشنتن بە رەسمی قۆناغی یەکەمی پێدانی قەرزێکی بە بڕی 900 ملیۆن دۆلار بە عیراق پەسەند کرد، کە لە چوارچێوەی ئەو قەرزەدا، بڕی نزیکەی 80ملیۆن دۆلار بۆ جێبەجێکردنی دوو پڕۆژەی ستراتیژیی وەزارەتی ئاوەدانکردنەوە و نیشتەجێکردنی هەرێمی کوردستان تەرخان کراوە.

ئاماژەی بەوەشداوە: پڕۆژە پەسەندکراوەکان بریتین لە فراوانکردن و چاککردنی ڕێگای (سلێمانی - چەمچەماڵ - کەرکووک)، بەشی کۆنکرێتی (تاسڵوجە بۆ بانی مەقان) بە درێژایی 50 کم، دووەم پرۆژەشفراوانکردن و چاککردنی ڕێگای (گرشین - سحێلا) لە دهۆک، بە درێژایی 22 کم، لەگەڵ دروستکردنی یەکتربڕی گرشین.

PUKMEDIA