د.فواد مەعسوم پاڵپشتی خۆی بۆ دامەزراوەی سەرۆك جەلال تاڵەبانی دەردەبڕێت

دامەزراوەی سەرۆك جەلال تاڵەبانی

د.محەمەد سابیر و د.فواد مەعسوم

ئەمڕۆ باڵیۆز د.محەمەد سابیر سەرۆكی دامەزراوەی سەرۆك جەلال تاڵەبانی لە  بەغدا بە یاوەری وەفدی دامەزراوە، سەردانی د.فواد مەعسوم تێكۆشەری گەلی كورد و سەرۆك كۆماری پێشووتری عیراقی كرد.

لە دیدارێكدا سەرۆكی دامەزراوەی سەرۆك جەلال تاڵەبانی رۆڵی د.فواد مەعسومی لە سەرخستنی خەباتی دیموكراسی لە  كوردستان و عیراق بەرزنرخاند و رایگەیاند: "وەك هەڤاڵ و دۆست و هاوخەباتی سەرۆك مام جەلال لە رۆژە سەختەكان و سەردەمی سەرۆكایەتی لە بەغدا، دەمانەوێت رۆڵی گرنگی خۆتان لەسەرخستنی بەرنامەو كاری دامەزراوەی سەرۆك جەلال تاڵەبانی بگێڕین و هاوكاری ئەم قۆناغەی كاركردنی دامەزراوەبن، بەتایبەت لە بواری گێڕانەوە و بە ئەرشیفكردنی یاداشتەكانی سەرۆك مام جەلال لە سەردەمی هاوخەباتی شاخ و شار و پێشمەرگایەتی و خەباتی سیاسی و دیپلۆماسی و دەوڵەتداری".

هەر لە دیدارەكەدا باڵیۆز د.محەمەد سابیر بەرنامە و پلانی كاری دامەزاوەی خستەروو كە ئامانجیانە لە رێگەی دامەزراوەی سەرۆك جەلال تاڵەبانی خزمەتی بواری دیموكراسی و ئاشتی و فەرهەنگی و كلتوری و لێكۆڵینەوەی زانستی و بوارە ژیارییەكانی كۆمەڵی كوردەواری و عیراق بكەن و بەنامەی ئەوەشمان هەیە بەغدا بكەینە چەقی كاركردنی دامەزراوە.

 د. فواد مەعسوم وێڕای خۆشحاڵی دەربڕینی بەسەردانی وەفدی دامەزراوەی سەرۆك جەلال تاڵەبانی بۆ شاری بەغداو بەسەركردنەوەی رایگەیاند: "هەرچی لەتوانایدابێت دەیخاتە گەڕ بۆ ئەوەی دامەزاوەی سەرۆك جەلال تاڵەبانی،برەو بەكارەكانی بدات و وتی: "هەمووان قەرزداری خەبات و تێكۆشان و فیكری سەرۆك مام جەلال-ین، ئەو دەستكەوتە دیموكراسیانەی هاتوونەتە گۆڕێ بۆ گەلی كورد دەرئەنجامی خەبات و تێكۆشان و نەسرەوتن تاسەركەوتنی سەرۆك مام جەلال بووە".

PUKMEDIA