ئەبوبەکر هەڵەدنی: پێویستە بڕگەی یاسای هەڵبژاردن هەموار بکرێتەوە

به‌كارهێنانی كورسی پێكهاته‌كان له‌لایه‌ن حزبێكه‌وه‌ وایكردووه‌ ده‌نگی ناڕه‌زایی له‌ په‌رله‌مان به‌رزببێته‌وه‌و داوای هه‌مواركردنه‌وه‌ی یاسای پێكهاته‌كان بكرێت، پەرلەمانتارێکیش دەڵێت: بەشێکی زۆر لە فراكسیۆنه‌كان پێویستە  ئه‌و بڕگه‌یه‌ی یاسای هه‌ڵبژاردن هه‌موار بكرێته‌وه‌.

ئه‌بوبه‌كر هه‌ڵه‌دنی ئه‌ندامی په‌رله‌مانی كوردستان له‌ فراكسیۆنی یه‌كگرتوی ئیسلامی به‌ سایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: "به‌كارهێنانی كورسی پێكهاته‌كان یه‌كێكه‌ له‌و كێشانه‌ی كه‌سه‌رجه‌م فراكسیۆنه‌كان پێیان وایه‌ ئه‌و بڕگه‌یه‌ی یاسای هه‌ڵبژاردن هه‌موار بكرێته‌وه‌".

ئه‌بوبه‌كر هه‌ڵه‌دنی ده‌ڵێت: "له‌گه‌ڵ ئه‌وه‌داین پێكهاته‌كانی هه‌رێمی كوردستان كورسی تایبه‌ت به‌ خۆیانیان هه‌بێت، به‌ڵام پێویسته‌ پێكهاته‌كان نوێنه‌ری راسته‌قینه‌ی خۆیان هه‌ڵبژێرن و ره‌چاوی جوگرافیای پێكهاته‌كانیش بكرێت كه‌ به‌داخه‌وه‌ له‌ئێستادا وانییه‌".
 
"له‌ئێستادا كورسی پێكهاته‌كان له‌په‌رله‌مانی كوردستان لاسه‌نگی له‌ به‌رژه‌وه‌ندی لایه‌نێك دروستكردووه‌ و ده‌مانه‌وێت بۆ هه‌ڵبژاردنی داهاتوو له‌ڕێی هه‌مواری یاساكه‌وه‌ ئه‌و لاسه‌نگییه‌ هاوسه‌نگ بكه‌ینه‌وه‌" هه‌ڵه‌دنی واده‌ڵێت.

PUKMEDIA