زیاتر لە 11 ملیار دینار داهاتی سێ رۆژی سلێمانییە

داهاتی رۆژی 19/12ی گەنجینەكان 2ملیار و 143 ملیۆن و 503 هەزار دینار بووە كە نوێترین ئەپدەیتی سایتی شەفافیەتە بۆ چاودێری و رێكخستنی داهاتە نانەوتیەكانی سلێمانی و هەڵەبجە و هەردوو ئیدارەی راپەرین و گەرمیان و كۆی گشتی داهاتیش لە سێ رۆژی ئەم هەفتەیە گەیشتۆتە (11ملیار و 321 ملیۆن و 698 هەزار و 352) دینار.

بەگوێرەی داتای نوێی سایتی شەفافیەت، زۆرترین داهات لە گەنجینەی 2 تۆماركراوە كە 1 ملیار دینارە و دوای ئەو گەنجینەی یەك 563 ملیۆن دینار بووە و لە گەنجینەی راپەرین 395 ملیۆن و گەنجینەی چەمچەماڵ (سفر)بووە و گەنجینەی هەڵەبجەش 7 ملیۆن دینار تۆماركراوە.

هەر بەگوێرەی زانیارییەكانی سایتی شەفافیەت كە 10 زۆرتین داهات دیاریكراوە ، لەو بڕە 1 ملیار دینار داهاتی جۆراو جۆرە كە زۆرترینە و 275 ملیۆنیش لە داهاتی هاوبەشە ،84  ملیۆنیش سزادان بووە و 83 ملیۆنی دیكەش غەراماتی هەجۆر بووە و 59 ملیۆن دیناریش رسوماتی ترە و  52 ملیۆنیش باجی گۆمرگی كەلوپەلە، 48 ملیۆن شەقمە و 44 ملیۆنیش ئۆتۆمبێل و 42 ملیۆنی دیكەش عەقارە و 38 ملیۆنیش سەرپێچی هاتوچۆیە.

سایتی شەفافیەت  ئۆپشنی  6 گەنجینە و 27 وەزارەت و 600 فەرمانگەی تێدا دیاریكراوە و رۆژانە زانیاری و داتاكان لەم رێگە دیجیتاڵیەوە بۆ هاوڵاتیان دەخرێتە روو تاوەكو شەفافیەتی داهات بۆ هەموان بێت.

ئەم پرۆژەیە یەكەمینجارە لەسەر ئاستی عیراق و هەرێمی كوردستان هەیە و لەلایەن قوباد تاڵەبانی جێگری سەرۆكوەزیرانەوە راگەیەندراوە  وەك هەنگاوی یەكەم.

بەگوێرەی داتای سێرۆژی رابردووی ئەم هەفتەیە(17-18-19/12/2022) كۆی گشتی داهات(11ملیار و 321 ملیۆن و 698 هەزار و 352) دینار تۆماركراوە.

پێشتر سەرچاوەیەكی ئاگادار بە سایتی رەسمی یەكێتیی نیشتمانیی كوردستان PUKMEDIA ی راگەیاند:" رۆژانە و سەعات بەسەعات سەرجەم داهاتی گەنجینەكان لەرێی سایتی شەفافیەتەوە https://shafafiat.com/  تۆماردەكرێت و بڵاودەكرێتەوە". 

PUKMEDIA