پەرلەمانتاران ئاگاداری داهاتی خاڵە سنوورییەكانی ئیبراهیم خەلیل و حاجی ئۆمەران نین

پەرلەمانتاران ئاگاداری داهاتی خاڵە سنوورییەكانی ئیبراهیم خەلیل و حاجی ئۆمەراننین

پەرلەمانتارێك رایدەگەیەنێت: "چەندین خاڵی سنووری ناڕەسمی لە هەولێر و دهۆك هەن و داهاتیان نادیارە و ناگەڕێتەوە بۆ حكومەت، هیچ ئەندامێكی پەرلەمانیش ئاگاداری داهاتی خاڵە سنوورییە رەسمییەكانی وەك ئیبراهیم خەلیل و حاجی ئۆمەران نییە".

شەمۆل ئاشتی ئەندامی پەرلەمانی كوردستان تایبەت بە سایتی رەسمی یەكێتیی نیشتمانیی كوردستان PUKMEDIA ی راگەیاند: حكومەتی هەرێمی كوردستان ئاگاداری ئەو خاڵە سنوورییانەیە بەتایبەت لەنێوان سوریا و هەرێمی كوردستان كە داهاتەكانیان ناگەڕێتەوە بۆ حكومەت، بەڵام خۆی لێ بێدەنگ كردووە، شەخس لەناو بنەماڵە هەیە خاوەنی خاڵی سنووری و كێڵگەی نەوتی تایبەت بەخۆیەتی و حكومەت ناتوانێت پێی بڵێ (من این لك هذا) ئەو پارەیەت لەكوێ بوو؟، یان پێی بڵێ بۆ داهاتەكەی ناگەڕێتەوە بۆ خەزێنەی گشتی".

"ژمارەیەكی زۆر خاڵی سنووری ناڕەسمی لە هەولێر و دهۆك هەن و داهاتیشیان نادیارە و ناگەڕێتەوە بۆ حكومەت، تەنانەت شەخسی بنەماڵە هەیە خاوەنی خاڵی سنووری و كێڵگەی نەوتی تایبەت بەخۆیەتی، هیچ ئەندامێكی پەرلەمانی كوردستان ئاگاداری داهاتی خاڵە سنوورییە رەسمییەكانی وەك ئیبراهیم خەلیل و حاجی ئۆمەرانیش نییە، تا بە خاڵە سنوورییە ناڕەسمییەكان دەگات"شەمۆل ئاشتی ئەندامی پەرلەمانی كوردستان وادەڵێت.

PUKMEDIA