هاوخەمی دامەزراوەی سەرۆك جەلال تاڵەبانی بۆ فەرید ئەسەسەرد

بۆ كۆچی دوایی ژیان محەمەد عەلی هاوژینی فەرید ئەسەسەرد، سكرتێری ئەنجوومەنی سەركردایەتیی یەكێتیی نیشتمانیی كوردستان، باڵیۆز د.محەمەد سابیر سەرۆكی دامەزراوەی سەرۆك جەلال تاڵەبانی پرسەنامەیەك ئاڕاستەی فەرید ئەسەسەرد دەكات كە ئەمە دەقەكەیەتی:

برای بەڕێزمان كاك فەرید ئەسەسەرد سكرتێری ئەنجوومەنی سەركردایەتی یەكێتیی نیشتمانیی كوردستان..

لە ناخی دڵەوە خەمبارین بە كۆچی دوایی هاوژینی بەڕێزتان كۆچكردوو خاتوو (ژیان محەمەد علی) .
كۆچی دوایی هاوسەری ژیانتان و پاڵپشتی خەباتان، لەم كاتەدا كۆست و خەمێكی گەورەیە بۆ خێزان و خانەوادە تێكۆشەرەكەتان. خاتوو ژیان، نمونەی هاوسەری خۆنەویست و پاڵپشتی بەڕێزتان بووە لە قۆناغە سەخت و دژوارەكانی رۆژگاری خەبات و تێكۆشان . 
 لە خودای میهرەبان داوادەكەین، سەبوری و ئارامی بە ئێوەو  منداڵە خۆشەویستەكانتان و خانەوادەو خزمان ببەخشێت و كۆچكردوو بە بەهەشتی بەرینی خۆی بسپێرێت . دواین ناخۆشی بنەماڵە تێكۆشەرەكەتان-بێت.


باڵیۆز د.محەمەد سابیر
سەرۆكی دامەزراوەی سەرۆك جەلال تاڵەبانی

PUKMEDIA