سەرۆككۆمار جەخت لە یەكخستنەوەی هەوڵە نیشتمانییەكان بۆ پێكهێنانی حكومەت دەكاتەوە

دكتۆر لەتیف جەمال رەشید سەرۆككۆماری عیراق و عەمار حەكیم سەرۆكی تەیاری حیكمەیی نیشتمانی

دكتۆر لەتیف جەمال رەشید سەرۆككۆماری عیراق رۆژی چوار شەممە 19ی ئۆكتۆبەری 2022 لە كۆشكی سەلام لە بەغداد پێشوازی لە عەمار حەكیم سەرۆكی تەیاری حیكمەیی نیشتمانی كرد.

لە سەرەتای دیدارەكەدا عەمار حەكیم پیرۆزبایی لە سەرۆك كۆمار كرد بە بۆنەی هەڵبژاردنی بە سەرۆك كۆماری عیراق و هیوای سەركەوتنی لە كارەكانیدا بۆ خواست.

لەلای خۆیەوە سەرۆككۆمار سوپاس و پێزانینی خۆی بۆ سەرۆكی تەیاری حیكمەی نیشتمانی دەربڕی و جەختی لە گرنگی یەكخستنەوەی هەوڵە نیشتمانییەكان بۆ پێكهێنانی حكومەتی نوێ بە مەبەستی بەدیهێنانی ویست و خواستەكانی هاووڵاتیان كردەوە.
PUKMEDIA