پسپۆڕێك هۆشداری لەبارەی زیانەكانی تیشیكی خۆر دەدات

پسپۆرێكی شارەزای بواری پزیشكی رایگەیاند، تیشكی خۆر لە ئێستادا زیانێكی زۆری هەیە بۆ مرۆڤ بە تایبەت بۆ منداڵان، چونكە لە ئێستادا پلەكانی گەرما بەرزە و تیشیكی خۆر بەستوونی لە رۆژدا بەر مرۆڤ دەكەوێت ئەمەش مەترسیەكی گەورە دروست دەكات.

ئوسامە ئەلعانی پزیشكێكی دەرمانسازی لە عیراق لە لێدوانێكیدا بە PUKmedia ی راگەیاند: راستەوخۆ چوونە بەر تیشیكی خۆر و بۆ ماوەیەكی زۆر تیشیكی خۆر بەر مرۆڤ بكەوێت، ئەوە مرۆڤ تووشی وشكبوونی پێست دەكات.

هاوكات پسپۆڕەكە داوا لە هاووڵاتیان دەكات كە خۆیان لە تیشیكی خۆر بپارێزن و لە نیوەرواندا گەر بۆ حاڵەتێكی گرنگ نەبێت منداڵەكانیان لەگەڵ خۆیان نەبەن بۆ دەرەوە و لە ماڵەوە بمێننەوە، هاوكات داوا دەكات كە هاووڵاتیان دژە خۆر بەكار بهێنن لە رۆژدا و كڵاو لەسەر بكەن و  بڕێكی زۆریش ئاو بخۆنەوە.

ئەمەش لە كاتێكدایە كە ئەمڕۆ 11 پارێزگای عیراق بەهۆی بەرزبوونەوەی پلەكانی گەرما پشوی رەسمیان راگەیاند لە دام و دەزگاكاندا.

PUKmedia تایبەت