سلێمانی.. تاقیكردنەوەكانی توانستی زمانی فارسی بەڕێوەچوو

یەكێك لە مەرجەكانی وەرگرتنی خوێندكارانی بیانی لە زانكۆكانی كۆماری ئیسلامی ئێران بەشداریكردنە لە تاقیكردنەوەكانی توانستی زمانی فارسی ( سامفا)یه. 

نۆهەمین خوڵی تاقیكردنەوەی توانستی زمانی فارسی( سامفا) هاوكات لەگەڵ وڵاتانی دیكە لە كۆلێژی زمان لە زانكۆی سلێمانی بەڕێوەچوو.

خولەكە لە ڕۆژی هەینی 22-7-2022 بە ئامادەبوونی خوازیاران لە پارێزگاكانی سلێمانی و هەڵەبجە لە كۆلێژی زمان لە زانكۆی سلێمانی بەڕێوەچوو.

سەركەوتن لە تاقیكردنەوەی سامفا یەكێكە لە مەرجەكانی وەرگرتنی خوێندكارانی بیانی لە زانكۆكانی كۆماری ئیسلامی ئێران. هەروەها هاوڵاتیانی بیانی كە ویستی مانەوە، كار و چالاكی بازرگانی، دامەزراندنی نوسینگەی نێودەوڵەتی و...هتد لە كۆماری ئیسلامی ئێران هەیە دەبێت بڕوانامەی دەرچوونی ئەم تاقیكردنەوەیان پێبێت. 

بەدەرچووانی ئەم تاقیكردنەوەیە بڕوانامەی باوەڕپێكراو لە ناوەندە پەیوەندیدارەكان لە كۆماری ئیسلامی ئێران دەبەخشرێت و بڕیاریشە لە زستانی ئەمساڵ دەهەمین خولی تاقیكردنەوەكە لە سلێمانی بەڕێوە بچێت و هەر كەس خوازیارە دەتوانێت سەردانی سەركونسولگەری ئێران بكات لە سلێمانی.

PUKmedia