وەزارەتی كوشتوكاڵ دەست بە دروستكردنی خانووی شوشەیی دەكات

هەنگاوی یەكەمی چوار پڕۆژەی دروستكردنی خانووی شوشەیی لە  هەرێمی كوردستان كەوتووەتە بواری جێبەجێكردنەوە، كە بەشێوەی تەكنەلۆژیای پێشكەوتووی هۆڵەندی دروست دەكرێن و بەرهەمیشیان چوار وەرزی دەبێت. 

حسێن حەمەكەریم وتەبێژی وەزارەتی كشتوكاڵی هەرێمی كوردستان  بە PUKmedia ی راگەیاند: لە ئێستادا چوار پڕۆژەی دروستكردنی خانووی شوشەیی لە بواری جێبەجێكردندان كە دووانیان لەگەڵ وڵاتی هۆڵەندان و یەكێكیش لەوانە هاوبەشە لەگەڵ كۆمپانیایەكی ناوخۆیی، ئەوەی دیكەشيان توركیە،  چوارەم دانەش لە عەلوەی هاوچەرخی هەولێرە.

وتیشی : لە ئێستادا پڕۆژەكان لەبواری جێبەجێكردندان و رەنگە تا كۆتایی ساڵ تەواو بن و بەرهەمیش لەو خانووانە چوار وەرزی دەبێت، چونكە زۆر جیاوازن لەگەڵ پلاستیكی و بەشێوەیەكی تەكنەلۆژیای پێشكەوتووی هۆڵەندی دروست دەكرێن، ئەمەش وا دەكات لە شێوازی نەریتی بۆ ئەو شێوازە نوێیە كارەكان بگۆڕدرێن. 

PUKmedia بیلال بارزان -هەولێر