جوتیارانی هەرێم 308 ملیار دیناریان بۆ خەرج دەكرێت

جوتیارانی هەرێم پارەكانیان بۆ دەگەرێتەوە لەلایەن حكومەتی عیراق و بری پارەكە بریتیە لە 308ملیار دينار كە رەوانەی بانكەكانی هەرێم دەكرێت.

غەریب ئەحمەد ئەندامی پەرلەمانی عیراق و ئەندامی لیژنەی كشتوكاڵ و بەنداوەكان بە  PUKmedia ی راگەیاند: دوا بەدوای هەوڵەكانی حكومەتی هەرێمی كوردستان، سەبارەت بە بەرزكردن و جێگیركردنی نرخی وەرگرتنی گەنم لە جوتیاران كەلە نێوان (٧٥٠) هەزار دینار بۆ (٨٥٠) هەزار دینارە، هاوكات دوای دەنگدان لەسەر پرۆژە یاسای ئاسایشی خۆراك كە لە كۆتا سەعاتەكانی دانيشتنی پەرلەمان توانرا پارەی جوتیارانی هەرێم بۆ ساڵانی (2014- 2015-2016) جێگیر بكرێت.

وتيشی:  دوابەدوای هەوڵەكانی ئەندامانی لیژنەی كشتوكاڵی عیراق لەگەڵ د.بەرهەم ئەحمەد ساڵح سەرۆك كۆماری عيراق و دكتۆر عەلا‌ء جبوری وەزیری بازرگانی عیراق،  وەزارەتی بازرگانی عیراق (٣٠٨) ملیار دینارەكە لەم مانگەدا رەوانەی بانك و سالیۆكانی هەرێم دەكات، تاكو جوتیارانی هەرێم پارەكانیان وەربگرن .

PUKmedia محەمەد رەسول