خاوەن بەنزیخانەكانی كەركوك هەڵوێست وەردەگرن

ئەمڕۆ پێنج شەممە 7-7-2022، لە دژی غەرامەكردنيان بەشێك لە بەنزینخانە ئەهلییەكانی شاری كەركوك خاوەن بەنزینخانەكان لە بەردەم لقی كەركوكی كۆمپانیای دابەشكردنی بەرهەمە نەوتییەكان گردبوونەوە، بەپێی وتەی خۆیان بە بڕی 200 ملیۆن تا 300 ملیۆن دینار وەك سزای سەرپێچی داواكراوە لێیان.

یەكێك لە خاوەن ئەو بەنزیخانانە بەناوی ریڤان نورەدین بە PUKmedia  ی راگەیاند: خاوەن بەنزینخانە ئەهلییەكان داوا دەكەن كە بەزووترین كات لیژنەیەك پێكبهێندرێت بۆ چارەسەركردنی كێشەكەیان. 

وتیشی: ئەوان ناتوانن ئەو بڕە پارەیە بدەن لە ئێستادا، چونكە وەزارەتی نەوت بەشە سوتەمەنی نادات بە بەنزیخانەكانیان، هەر بۆیە ئەوان بەنزیخانەكانیان داخستووە.

ئەوەشی خستەڕوو: ئەمە دەبێتە هۆكاری زیاتركردنی قەیرانی بەنزین لە شارەكە وداواشیكرد كە وەزارەتی نەوت بە بڕیارەكەیدا بچێتەوە، چونكە سزادانیان بەو بڕە پارەیە كارێكی نا رەوا نیە.

PUKmedia ئازاد شكور