وەزیری تەندروستی عیراق بۆ دەرچوانی پزیشكی كەركوك بڕیارێك دەردەكات

ئەمڕۆ چوار شەممە 6-7-2022 د. گەیلان قادر زەنگەنە نوێنەری كەركوك لە فراكسیۆنی یەكێتیی نیشتمانیی كوردستان لە پەرلەمانی عیراق سەردانی د.هانی موسا وەزیری تەندروستی عیراقی كرد لەبارەی كێشەی دەرچوانی بەشە پزیشكییەكانی هەرێمی كوردستان و كێشە و كەموكوڕییەكانی تەندروستی ناوشار و قەزا و ناحیەكانی كەركوك.

وەزیری تەندروستی عیراق لەسەر داوای د. گەیلان قادر زەنگەنە ، بڕیاریدا بە رێگەپێدانی دەرچوانی بەشە پزیشكییەكانی هەرێمی كوردستان كە خەڵكی شاری كەركوكن لە شاری كەركوك فۆڕمی دامەزراندنی مەركەزی پڕ بكەنەوە.

هەروەها وەزیری تەندروستی عیراق د. هانی موسا رازەمەندی نیشاندا لەسەر چارەسەركردنی كێشە و كەموكوڕییەكانی بنكە تەندروستییەكانی ناوشار و قەزاو ناحیەكانی كەركوك تاكو لەئاستی داواكاری هاوڵاتیانی شارەكە بێت.
PUKmedia بەمۆ شێخانی