دەوڵەتی یاسا كاندیدی بۆ پۆستی سەرۆك وەزیران دیاری كرد

شانسی د. بەرهەم ساڵح بۆ پۆستی سەرۆك كۆمار زیاترە و هاوكاتیش نوری مالكی كاندیدی دەوڵەتی یاسایە بۆ وەرگرتنی پۆست سەرۆك وەزیرانی عیراق.

جەواد غەزالی ئەندامی هاوپەیمانی دەوڵەتی یاسا تایبەت بەPUKmedia ی ڕاگەیاند: هاوپەیمانی دەوڵەتی یاسا كۆبوونەوەی ئاسایی خۆی ئەنجامدا و لە كۆبوونەوەكە بە زۆرینەی دەنگ نوری مالیكی بۆ پۆستی سەرۆك وەزیرانی عیراق كاندید كرا.

وتیشی: لە كۆبوونەوەكەدا داوا كرا دوای ڕۆژانی جەژنی قوربان پەرلەمانی عیراق كۆببێتەوە بۆ هەڵبژاردنی سەرۆك كۆمار و دواتریش سەرۆك كۆمار سەرۆك وەزیرانی نوێ ڕابسپێرێت بۆ پێكهێنانی حكومەت.

لەلایەكی دیكە ڕیاز ئەلوەحیلی شرۆڤەكاری سیاسی تایبەت بە PUKmedia ی ڕاگەیاند: د. بەرهەم ئەحمەد ساڵح كاندیدی یەكێتیی نیشتمانیی كوردستان بۆ دووبارە وەرگرتنی پۆستی سەرۆك كۆمار شانسی زیاتری هەیە چونكە هێزەكانی ناو چوارچێوەی هەماهەنگی لەسەر د. بەرهەم ساڵح كۆكن. 

PUKmedia تایبەت