}

وێستگەیەكی چارەسەركردنی ئاو لەسەر فوڕات دروستدەكرێت

جیهان 06:48 PM - 2022-06-20

وەزارەتی ئاودێری و سەرچاوە ئاوییەكانی میسڕ رایگەیاندووە وەفدێكی میسڕ ئامادەیی نیشانداوە سەردانی عیراق بكات و وێستگەیەكی زەبەلاح بۆ چارەسەركردنی ئاو لە هاوشێوەی وێستگەی ئاوی دەریای بوقری میسڕیی لەسەر رووباری فوڕات دروستبكات.

 

وەزارەتی ئاودێری میسڕیی راپۆرتێكی تایبەتی ئامادەكردووە كەتێیدا توێژینەوەی كردووە لەبارەی دروستكردنی وێستگەیەكی چارەسەری ئاو لەعیراق لەهاوشێوەی وێستگەی چارەسەری ئاوی دەریای بوقر بۆ پاككردنەوەو شیرینكردنی ئاوی رووباری فوڕات لەپێناو بەرەنگاربوونەوەی كەمئاوی لەرووبارەكە لەهەر سێ پارێزگای عیراق (ناسڕییەو دیوانییەو بەسڕە).

 

لەو بارەیەشەوە محەمەد عەبد ئەلعاتی وەزیری ئاودێری و سەرچاوە ئاوییەكانی میسڕ رایگەیاندبوو لەبەر رۆشنایی ئەو خاڵانەی كە پێشتر لەگەڵ ئەندازیار مەهدی رەشید ئەلحەمدانی وەزیری سەرچاوە ئاوییەكانی عیراق رێككەوتنیان لەسەر كرابوو سەبارەت بەئاڵوگۆڕی سەردانە هونەرییەكانی نێوان هەردوو لایەن بۆ سوودوەرگرتن لەئەزموونەكانی وڵاتی میسڕ لەبواری ئیدارەی ئاودا، هەریەك لە د.محەمەد هەیكەل راوێژكار لەوێستگەی چارەسەری ئاو لەدەریای بوقر و د.حسێن ئەلجەمال بەڕێوەبەری پەیمانگای توێژینەوەكان لەئاوی بەردراوە سەردانی عیراقیان كردو توێژینەوەیان كرد لەبارەی پێشنیارەكانی تایبەت بە چارەسەركردن و بەكارهێنانەوەی ئاو لەعیراق. 

 

PUKmedia ئاژانسەكان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket