}

كۆنفرانسی بەدیجیتاڵكردنی بازرگانی و كاری ئۆنلاین لەسلێمانی بەڕێوەدەچێت

کوردستان 06:08 PM - 2022-05-21

پاشنیوەڕۆی ئەمڕۆ  21/5/2022، لە هۆڵی رۆشنبیری، سلێمانی  و بەئامادەبوونی ژمارەیەکی زۆر لە گەنجانی و سلێمانی و شارەکانی تر کوردستان یەكەمین كۆنفرانسی بە دیجیتاڵكردنی بازرگانی و كاری ئۆنلاین بەڕێوەچوو.

 كۆنفرانسەكە بەهاوبەشی لە نێوان بەڕێوەبەرایەتی گشتیی رۆشنبیری و هونەری سلێمانی  و تۆپ مۆدێرن گرووپ بەڕێوەچوو، ئامانج لەو کۆنفرانسە راوێژ کردن و گفتۆگۆکردن بوو لەسەر بەبازاڕكردنی شمەک و کاڵاکان  لە لایەن پسپۆڕان و هەروەها بەرنامەی دیجیتاڵ ماركێتینگ بەخۆڕایی درا بە بەشداربووان. ئەمەش لە پێناوی باشتركردنی کارە  بازرگانییەكانیانە.

هەر لەو کۆنفرانسە چەندین پانێڵ و دیدار بەڕێوەچوون، دەرفەتی گفتوگۆ و پرسیاركردن لەگەڵ پانێلیست و سپیكەرو بەشداربووەكانی یەكەمین كۆنفرانسی بە دیجیتاڵكردنی بازرگانی و كاری ئۆنلاین لە سلێمانی دروست بوو.

لەو کۆنفرانسەدا چەندین خاوەن كارو براند و خاوەن بیرۆكەی تایبەتی بەشداریان کردووە، هەروەها بەووتەی بەشداربوان ئەو کۆنفرانسە دەبێتە دەرفەتێك بۆ ناساندنی خاوەن بازرگانییە بچووكەكان لە سلێمانی.

 

PUKmedia  جەمال سەرگەتی 
شاد ئیبراهیم

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket