وەزیری تەندروستی: قەیرانی دەرمان بەهۆی نەدانی پارەی كۆمپانیاكانەوەیە
کوردستان 12:47 PM - 2022-05-19
وەزیری تەندروستی هەرێم رایگەیاند: بەهۆی قەیرانی داراییەوە كێشەی نەبوونی دەرمان سەریهەڵداوەو پارەی پێویست بۆ كۆمپانیاكانی دابینكردنی دەرمان لەبانكەكاندا نەبوەو لەئێستاشدا بودجەی دابینكردنی دەرمان لە 6 ملیارەوە بۆ 7 ملیار زیادكراوەو هەوڵی چارەسەركردنی قەیرانەكە دەدەین، ئاماژە بەوەشدەكات چەندین نەخۆشخانەی نوێكراونەتەوە، بەڵام بەهۆی نەبونی ستافی تەندروستییەوە ناتوانرێت بكرێنەوە، دەشڵێت: تائێستا لەهەرێم دوو حاڵەتی توشبوون بەپەتای خوێنبەربوون لەهەرێم تۆماركراوە.
سامان بەرزنجی وەزیری تەندروستی هەرێم بەئامادەبوونی د.سەباح هەورامی بەڕێوەبەری گشتی تەندروستی سلێمانی لەكۆنگرەیەكی رۆژنامەوانیدا لەكۆگای دەرمان و پێداویستی پزیشكی سلێمانی لەبارەی كەمبونەوەی دەرمان رایگەیاند: دەرمان گرنگترین بەشی خزمەتگوزاری تەندروستیە لەنەخۆشخانەو ناوەندە تەندروستییەكان بۆ چارەسەركردنی نەخۆش، بەتایبەت ئەو دەرمانانەی لەبەشی فریاكەوتن و هۆڵەكانی نەشتەرگەی و شوێنە هەستیارەكان دەبێت لەكاتی خۆیدا دابینبكرێت، بەڵام رێگەنادەین دەرگای نەخۆشخانەكان دابخرێت.
راشیگەیاند: دەبێت بەغدا دەرمان و پێداویستی پزیشكی بۆ تەواوی ناوچەكانی عیراق بەهەرێمەوە دابین بكات، بەڵام وەك پێویست دەرمان لەلایەن بەغداوە بۆ هەرێم دابین ناكرێت، چونكە هەندێك دەرمان كە پێویستە لەپارێزگاكانی هەرێم نانێردرێن.
ئەوەشی خستەڕوو: بۆشاییەكی تەندروستی هەیە بۆ دابینكردنی دەرمان لەهەرێم كە پێویستی بەبودجەیەكەو مانگانە لەلایەن حكومەتەوە 6 ملیار دینار تەرخان دەكرێت بەڵام بۆ خێراكردنی دابینكردنی دەرمان بودجەكە دەكرێتە 7 ملیار، هەروەها سەنتەرەكانی دڵ و نەخۆشخانی شێرپەنجە بودجەیەكی جیاواز هەیە، بۆیە ناكرێت رۆتینات لەدابینكردنی دەرمان هەبێت.
وەزیری تەندروستی هەرێم راشیگەیاند: بەهۆی قەیرانی داراییەوە لەچەندین مانگی رابردوودا بەهۆی نەبوونی پارە لەبانكەكان نەتوانراوە پارەی كۆمپانیاكانی دابینكردنی دەرمان بدرێت و قەیرانی كەمی دابینكردنی دەرمان دروستبووە، ئەوەی هەیە هەوڵ دەدرێت پارەی نەختینە لەبانكەكان زیاتر بكرێت.
لەبارەی كەمی رێژەی كارمەندانی تەندروستیش لەناوەندە تەندروستیەكان رایگەیاند: لەماوەی چەند ساڵی رابردوودا بەهۆی خانەنشین بوون و مۆڵەتكردنەوە ژمارەیەكی زۆر كارمەندی تەندروستی لەناوەندە تەندروستیەكان جێگایان چۆڵ بووەو پێویستە شوێنەكانیان پڕبكرێنەوە، جگە لەوەی چەندین نەخۆشخانەی نوێ هەیە بكرێنەوە، بەڵام لەبەر نەبوونی پزیشك و ستافی تەندروستی نەكراونەتەوە، بۆیە دەبێت بەشێوەی گرێبەستیش بێت ستافی تەندروستی بۆ دابین بكرێت.
لەبارەی نەخۆشی تای خوێنبەربوونیش لەهەرێم رایگەیاند: ترسناكی ئەوكاتەیە نەخۆشیەكە هەبێت، بۆیە لەگەڵ وەزارەتی كشتوكاڵ هەماهەنگیمان كردوە بۆ چاودێریكردنی كوشتارگەكان، بەڵام تائێستا تەنها دوو حاڵەت هەڵگری پەتای خوێنبەربوونن كە یەكێكیان دوای چارەسەر چوەتەوە ماڵەوە، ئەوانەشی توشبوون بەهۆی سەربڕینی ئاژەڵەوە بووە لەشوێنی ناڕەسمی.
هەر لەكۆنگرەكەدا د.سەباح هەورامی بەڕێوەبەری تەندروستی سلێمانی رایگەیاند> بۆ كێشەی چارەسەر دەرمان وەك ئەوەی پێشنیارمان كردبوو بۆ لیژنەكە كە بودجەی كڕینی دەرمان لەپارەی مووچەو بودجەی سلێمانی جیابكرێتەوە، بۆیە ئەوە كراوەو چارەسەرێكی باشی كێشەی دەرمان دەكات.
وتیشی: لەچەند رۆژی داهاتوودا چەند نەخۆشخانەیەكی نوێ لەسلێمانی دەكرێتەوە كە رۆڵی گەورەیان دەبێت لەخزمەتكردنی سلێمانی.
لەبارەی زیادبوونی سەگی بەرەڵاش رایگەیاند: چارەسەرە ئەوەی شەڵتەرەكان زیادبكرێن و ببرێنەوە ئەو شوێنانەو دوربخرێنەوە، ئەمەش لەپێناو سەلامەتی و پاراستنی هاووڵاتیان.
PUKmedia تایبەت
هەواڵی زیاتر
-
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25