كازمی: رێگری ده‌كه‌ین له‌ گه‌ڕانه‌وه‌ی دیكتاتۆرییه‌ت

له‌ ساڵیادی كاره‌ساتی ئه‌نفالدا، مسته‌فا كازمی سه‌رۆك وه‌زیرانی عیراق له‌ تویتێكدا له‌ ئه‌كاونتی تایبه‌تی خۆی له‌ تۆڕی كۆمه‌ڵایه‌تی تویته‌ر رایگه‌یاندووه‌، ساڵیادی ئه‌نفالی گه‌لی كورد، هانده‌رمان ده‌بێت بۆ كاركردن له‌پێناو عیراقێكی دیموكراسی كه‌ ئاشتی تێدا به‌رقه‌رار بێت و به‌ره‌نگاری ئه‌و هه‌ڵسوكه‌وتانه‌ش ببێته‌وه‌ كه‌ دیكتاتۆرییه‌ت و دوژمنكاری ده‌گێڕنه‌وه‌، ئه‌مه‌ش ده‌قه‌كه‌یه‌تی: 

تاوانه‌كانی ئه‌نفال دژی گه‌لی كوردمان ده‌یان هه‌زار كه‌سی تێدا بوونه‌ قوربانی و سیاسه‌ته‌كانی ڕژێمی دیكتاتۆریان ڕیسوا كرد. ئه‌م ساڵیاده‌ (34) هانده‌رمانه‌ بۆ كاركردن له‌پێناو عێراقێكی دیموكراسی كه‌ ئاشتی تێدا به‌رقه‌رار بێت وبه‌ره‌نگاری ئه‌و ئه‌توارانه‌ش ببێته‌وه‌ كه‌ دیكتاتۆرییه‌ت و دوژمنكاری ده‌گێڕنه‌وه‌.

PUKmedia