بە دروشمی نەخێر بۆ گەندەڵکاران خۆپیشاندان لەبەغدا دەستیپێکرد

خۆپیشاندنانی عیراقییەکان لە بەغدا دژی گەندەڵکاران و کاندیدکردنی هۆشیار زێباری دەستیپێکرد.

بە دروشمی نەخێر بۆ گەندەڵکاران کەمێک پێش ئێستا لە بەغدا خۆپیشاندانی عیراقییەکان دژی کاندیدکردنی ھۆشیار زێباری بۆ پۆستی سەرۆککۆماری عیراق کە تۆمەتبارە بە گەندەڵی و چەندین کەیسی تری یاسایی دەستیپێکرد.

خۆپیشاندەران لە دروشمەکانیاندا نوسیویانە نا بۆ هۆشیار زێباری و بەلێ بۆ بۆ سزادانی گەندەڵکاران، لەگەڵ دانانی وێنەی هۆشیار زێباریدا کە کاندیدی پارتی دیموکراتی کوردستانە دەنگی ناڕازییان دەگەییەننە حکومەتی بەغدا و دەشڵین، چۆن دەبێت کەسێک لە پەرلەمانەوە متمانەی لێسەنرابێتەوە و لەهەمان پەرلەمانەوە متمانەی پێبدرێتەوە.

دەنگی ناڕەزایی شەقامی عیراقی لە دوای کاندیدکردنی هۆشیار زێباری دێت لەلایەن پارتی دیموکراتی کوردستانەوە بۆ پۆستی سەرۆککۆمار، لەکاتێکدا ئەو کاندیدە بەچەندین دۆسیەی گەندەڵی تۆمەتبارە و لە رابردوودا بەدەنگی نوێنەرانی پەرلەمانی عیراقی متمانەی لێسەندراوەتەوەو لەسەر کار لابراوە.

PUKmedia تایبەت