هێزە عیراقیەکان کێوماڵی سەڵاحەدین دەکەن

لە ڕاگەیاندراوێکی پۆلیسی سەلاحەدیندا هاتووە کەوا ئەمڕۆ پێنج شەممە هێزەکانیان لە فەوجی دوو و فەوجی سێ_ی فریاکەوتن وتیمێکی ئەندازیاری پوچەڵکردنەوەی بۆمب وتەقەمەنی سەلاحەدین هەڵمەتێکی گەران وپشکنینیان ئەنجامداوە لە نزیک گوندی ( السعد ) قەزای بێجی سەربە پارێزگای سەلاحەدین.

ئاماژە بەوەشكراوە، کە لەو هەڵمەتەدا دەستگیرا بەسەر چوار 4 گوللە هاوەن و بیست 20 بۆمبی چێنراو کە بە ستونی کارەبا دروستکراوە .

هەروەها لە ڕاگەیاندراوەکەدا هاتووە حەشارگەیەکی چەکدارانی داعش دۆزراوەتەوە لە ناوچەی (  ابار البو مذود ) سنوری بێجی دواتر تەقێنراوەتەوە لە لایەن تیمەکانی ئەندازیاری پوچەڵکردنەوەی بۆمب وتەقەمەنی .

PUKmedia محەمەد فایەق