پڕۆژەیەكی كارەبا لەسلێمانی جێبەجێ دەكرێت

بەبڕی زیاتر لە142 ملیۆن دینار، پڕۆژەیەكی كارەبا لەسلێمانی جێبەجێ دەكرێت.

بەڕێوەبەرایەتی گشتی كارەبای سلێمانی رایگەیاند، بەسەرپەرشتی بەڕێوەبەرایەتی گشتی كارەبای سلێمانی و لەسەر بودجەی داهاتی (8%) بەبڕی زیاتر (142) ملیۆن دینار پرۆژەیەكی كارەبا لەسنووری بەڕێوەبەرایەتی دابەشكردنی كارەبای سلێمانی جێبەجێ دەكرێت.

راشیگەیاند: پرۆژەكە بریتییە لەدەركردنی فیدەری نوێ 403 لەوێستگەی كوردسات/ وێستگەی كوردسات فیدەری 403 لەسلێمانی، كۆی بودجەی پرۆژەكەش بریتییە لە (142.694.610) سەدو چل و دوو ملیۆن و شەش سەد و نەوەد و چوار هەزارو شەش سەد و دە دینار، كە لەلایەن كۆمپانیای (ژیكاڵ) جێبەجێ دەكرێت، وا بڕیارە لەماوەی (60) رۆژدا كارەكانی تەواو بكرێت.

PUKmedia راگەیاندنی بەڕێوەبەرایەتی گشتی كارەبای سلێمانی