كازمی بانگهێشتنامهیهكی له وهزیری دهرهوهی لیتوانیا پێدهگات
عیراق 05:54 PM - 2022-01-16
مستهفا كازمی سهرۆكی ئهنجومهنی وهزیرانی فیدڕاڵ ئهمڕۆ یهكشهممه 16- 1- 2022، لهگهڵ وهزیری دهرهوهی لیتوانیا تاوتوێی پرسی هاووڵاتیانی عیراقیان كرد كه لهسهر سنوورهكانی وڵاتانی یهكێتیی ئهوروپا گیریان خواردووهو ههوڵهكان بۆ سووككردنی ئێش و ئازارهكانیان.
نووسینگهی راگهیاندنی سهرۆكی ئهنجومهنی وهزیرانی فیدڕاڵ له بهیاننامهیهكدا كه وێنهیهكی دهست PUKmedia كهوتووه راشیگهیاندووه، كازمی ئهمڕۆ یهكشهممه پێشوازیكرد له گابریلیوس لاندسپێرگ وهزیری دهرهوهی كۆماری لیتوانیاو وهفدی یاوهری، روونیشی كردۆتهوه، كه لهمیانی دیدارهكهدا پهیوهندییهكانی نێوان ههر دوو وڵات و شێوازهكانی پتهوكردنیان و بههێزكردنی هاوكاری هاوبهش لهچهندین سێكتهر لهگهڵ سهرجهم ولاَتانی یهكێتیی ئهوروپا خراوهتهڕوو.
راشیگهیاند: لهدیدارهكهدا تاوتوێی چهندین رووی هاوكارییان لهسێكتهره جیاوازهكاندا كردووه لهسهروویشیانهوه لایهنی ئهمنی و بواری بهرهنگاربوونهوهی تیرۆرو تاوانی رێكخراو، سهرۆك وهزیرانیش جهختی لهسهر پهرۆشی عیراق كردۆتهوه لهپێناو بنیاتنانی باشترین پهیوهندی لهگهڵ لیتوانیاو بهتایبهتیش لهڕووی لایهنهكانی ئابووری و وهبهرهێنان و ئهوهش لهدوای بڕیاری یهكێتیی ئهوروپا لهههڵگرتنی ناوی عیراق لهلیستی ولاته یهكجار مهترسیدارهكان كهپهیوهندار بوو بهدارایی دانی تیرۆرو شتنهوهی پارهوه.
ههروهها بهگوێرهی بهیاننامهكه، ههر دوو لا گفتوگۆیان كرد لهبارهی پهرهدان بههاوكاری لهكهرتی خوێندن و به دامهزراوهیی كردن و ههروهها گفتوگۆكردن لهبارهی دۆخی ههرێمی و نێودهوڵهتی، لهو بارهیهشهوه كازمی جهختی كردۆتهوه لهسهر بڕوای عیراق بهپێویستی پشتبهستن به دایهلۆگ و چارهسهری ئاشتییانه بۆ چارهسهری ناكۆكییهكان.
ههروهها گفتوگۆیان كردووه لهبارهی ههوڵهكان بۆ سووككردنی ئێش وئازاری هاووڵاتیانی عیراقی گیرخواردوو لهسهر سنوورهكانی وڵاتانی یهكێتیی ئهوروپاو دۆزینهوهی باشترین رێگا بۆ كۆتایهێنان بهو پرسه.
لای خۆشیهوه، گابریلیوس لاندسپێرگ وهزیری دهرهوهی لیتوانیا سڵاوی حكومهتهكهی گهیانده كازمی و بانگهێشتنامهیهكیشی ئاراستهكرد تاوهكو سهردانی لیتوانیا بكات و خۆشحاڵی حكومهتهكهشی بۆ ههنگاوهكانی عیراق دهربڕی لهپێناو چارهسهركردنی ئاڵنگارییهكانی كۆچی نایاسایی.
گابریلیوس لاندسپێرگ ئاماژهی بۆ پهرۆشی لیتوانیا دا بۆ بهرزكردنهوهی ئاستی هاوكاری نێوان ههردوو وڵات لهسهرجهم سێكتهره جیاوازهكان.
PUKmedia نووسینگهی راگهیاندنی سهرۆك وهزیران
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25