ستران عەبدوڵڵا: ھەكار باجلوری سینەماكارێكی شایستەو بەتوانا بوو

بۆ مەرگی لە ناكاوی ھەڤاڵ ھەكار عەبدولقادر باجلوری، ستران عەبدوڵڵا سەرپەرشتیاری مەكتەبی راگەیاندنی یەكێتیی نیشتمانیی كوردستان پرسەنامەیەك ئاڕاستەی ھەڤاڵ قادر باجلوری و كەسوكار و بنەماڵەكەی دەكات كە ئەمە دەقەكەیەتی:

سەرەخۆشی بۆ مەرگی لە ناكاوی ھەڤاڵ ھەكار عەبدولقادر باجلوری

برای بەرێز و خۆشەویستم  ھەڤاڵ قادر باجلوری و كەسوكار و بنەماڵەی.
بەداخ و پەژارەیەكی زۆرەوە ھەواڵی كۆچی دوایی ھەڤاڵی خۆشەویستمان كاكە ھەكارم بیست كە ئەمڕۆ بە جەڵتەی دڵ كۆچی دوایی كرد.
كاك ھەكار سینەماكارێكی شایستە و كادیرێكی بە توانای دەزگای میدیایی بادینان بوو، بەداخەوە بۆ ئەم كۆستە لە ناكاوەوە.
 
بەم بۆنە خەمناكەوە بە ناوی مەكتەبی راگەیاندنی یەكێتییەوە سەرەخۆشی لە بەرێزتان و لە بنەماڵەكەی و ھەڤاڵانی لە دەزگای میدیایی بادینان دەكەم.
لەخوای گەورە داواكارم خوالێخۆشبوو بە بەھەشتی بەرینی خۆی بسپێرێ و ئاسودەیی بە بنەماڵەی پێشمەرگەپەروەری مام قادر ببەخشێت.
دوا ناخۆشییان بێت

ستران عەبدوڵڵا
سەرپەرشتیاری مەكتەبی راگەیاندنی
یەكێتیی نیشتمانیی كوردستان

PUKmedia تایبەت