یه‌كێتی میری ئێزیدییه‌كان به‌سه‌ر ده‌كاته‌وه‌

سه‌عدی ئه‌حمه‌د پیره‌ له‌ باعه‌درێ سه‌ردانی میر حازم ته‌حسین به‌گ میری ئێزیدییانی كرد و له‌لایه‌ن جه‌نابی میر حازم و ژماره‌یه‌ك له‌ كه‌سایه‌تی و بنه‌ماڵه‌ی میرانی ئێزیدی به‌گه‌رمی پێشوازیكرا. 

له‌ دیدارێكی نێوان هه‌ردوولادا سه‌عدی ئه‌حمه‌د پیره‌ له‌ نزیكه‌وه‌ له‌ هه‌واڵی ته‌ندروستی میری حازم-ی پرسی و هیوای سه‌ركه‌وتنی له‌ كاره‌كانی بۆ خواست ، هاوكات ئاماژه‌ی به‌په‌یوه‌ندی مێژوویی نێوان جه‌نابی خوالێخۆشبوو سه‌رۆك مام جه‌لال و میرته‌حسین به‌گی باوكی میر حازم كرد و چه‌ندین نموونه‌ی گه‌وره‌ی له‌ هه‌ڵوێست و ره‌فتاره‌ به‌رزه‌كانی میر ته‌حسین به‌گ گێڕایه‌وه‌ كه‌ تاوه‌كو ئێستاش جێگای رێز و شكۆمه‌ندی نێوان پێكهاته‌كانی ناوچه‌كه‌یه‌.

PUKmedia دەرباز ستار