}

ئەرمینیا میوانداری تیپی هونەری میللی سلێمانی دەكات

هەمەڕەنگ 03:32 PM - 2021-09-20

لە درێژەی چالاكییەكانیدا تیپی هونەری میللی سلێمانی سەر بە وەزارەتی  رۆشنبیریی حكومەتی هەرێمی كوردستان لە خۆئامادەكردندایە بۆ بەشدارییكردن لە حەوتەمین فێستیڤاڵی  نێودەوڵەتی  ” ساكادزور” لە وڵاتی ئەرمینیا .

بڕیارە كار و چالاكییە هونەرییەكانی  فێستیڤاڵی  نێودەوڵەتی  ”ساكادزور” لە كۆتا هەفتەی مانگی سێپتێمبەری ئەمساڵدا لە شاری ” ساكادزور” لە وڵاتی ئەرمینیا بەڕێوەبچێت و بۆ ئەو مەبەستەش لە سەرەتای هەفتەی داهاتوودا تیپی هونەری میللی سلێمانی بۆ بەشدارییكردن لە فێستیڤاڵەكە دەگاتە وڵاتی ئەرمینیا و بە هەردوو تابلۆی ” شیرین تەشی دەڕێسێ ، سەمای گوڵ ” بە نمایشێكی دوو رۆژە ، لە پێنج رۆژی نمایشی فێستیڤاڵدا بەشداریی دەكەن و ئەو دوو تابلۆ كوردەوارییە بە جلوبەرگ و میوزیكیی كوردییەوە پێشكەش بە میوانانی فێستیڤاڵ دەكەن. 

فێستیڤاڵی نێودەوڵەتی ” ساكادزور” ساڵانە لە وڵاتی ئەرمینا بە بەشداریی چەندین وڵات لەسەرتاسەری جیهاندا سازدەكرێت و گرنگی دەدات بە نمایش و ناوەڕۆكی سەما جیهانییە ”كۆن و نوێ و كلاسیك” ەكان و پیشاندانی كلتور و رەسانەیەتییەكانی وڵاتی ئەرمینیا بۆ ئامادەبووانی فێستیڤاڵ . 

شایەنی باسە تیپی هونەری میللی سلێمانی لە ساڵی ١٩٩٧ ەوە دامەزراوە،لە مێژووی كاركردنی خۆیدا بەشداریی دەیان فێستیڤاڵی جیهانیی كردووە لە وڵاتانی ئەوروپا و خۆرهەڵاتی ناوەڕاستدا.

 

PUKmedia ڤینۆس تۆفیق  

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket