کۆمسیۆن بەدواداچون بۆ سەرپێچی کاندیدان دەکات

دگەل نێزیکبوونا دەمێ هەلبژارتنێن پێشوەخت ێن ئەنجومەنێ نوێنەرێن ئیراقێ کو بریارە ل روژا  10 هەیڤا  10 یا ئەف سالە بهێنە کرن، وبو دەمێ چەند روژانە بانگەشە بو کاندیدێن لایەنێن سیاسی  بەربژێرا ێن بەشدار دەستپێکریە وکومسیوونا بلند یا سەربەخویا هەلبژارتنا دیفجوونا سەرپێچێن کاندیدا دکەت دهەوا پروپاکندا هەلبژارتنا دا .

خالد عەباس، رێڤەبەرێ ئوفیسا دهوك یا کومسیوونا بلند یا سەربەخویا هەلبژاتنا دەربای نویترین کار و پێشاهاتێن  کومسیوونێ بو خو ئامادەکرنێ بو هەلبژارتنێن پەرلەمانێ ئیراقێ ێن پێشوەخت راگەهاند وگوت : نوکە قوناغا راهێنانا کارمەندێن سەر سندوقێن دەنگدانێ یە، وهەروەسا تێستا ئامیرێن دەنگدانێ دگەل کارمەندێن کومسیوونێ هاتیە کرن.

دەرباری رێنماێن کومسیوونێ د هەوا پروپاکندەیا هەلبژارتنادا بەرپرسێ ئوفیسا دهوك کوتژی: هەر کاندیدەکێ سەرپێچیا رێنمایا بکەت دەسپێکێ دێ هێتە ئاگەدارکرن بو راستڤەکرنا شاشیا خو وئەگەر دووبارەبو دێ ژلایێ کومسیوونێ ڤە ولگوری یاسایا هەلبژارتنا دێ سەرەدەری دگەلدا دهێتەکرن وبەردەوام تیمێن مە دیفچوونا ڤی پروسسا پروپاکندا هەلبژارتنا دکەن ، ونابیت بەربژێر سکوتینێ بو هەلاویستنا وێنەێن خو کاربینیت ، ودام ودەزگەهێن میری و جهین ئاینی وێن فەرمی نابیت بهینە کارئینان بو پروپاکندەیا هەلبژاتنا و رێکێن پەیادەیا هاوەلاتیان بهێنەکرتن، و رێنماێن کومسیوونی دگەل ێن باژێرڤانیێ دڤێت بهێنە جێبەجێکرن 

دهێتە زانین کو ل گەلەك جهان دناڤا سەنتەرێ باژێرو باژێرکاندا کاندیدا وێنەێن خو داناینە جهێ پەیادەیا مروڤان وهاتنو چوونێ، و رێك گرتینە و ئەڤە ژی بەروڤاژی رێنماێن کومسیوونێ ،  و رێڤەبەریا باژێرڤانیێ نە .

PUKmedia بەیار ئامێدی