ره‌واندز.. هه‌وڵه‌كان بۆ سه‌رخستنی هاوپه‌یمانی كوردستان به‌رده‌وامه‌

له‌درێژه‌ی هه‌وڵه‌كان به‌ ئاڕاسته‌ی سه‌رخستن و ناساندنی كاندیدی لیستی هاوپه‌یمانی له‌ بازنه‌ی (1)ی سۆران، هه‌ڤاڵ (فه‌یسه‌ل كه‌ریم خان برادۆستی) ژماره‌(24)، بۆ ئه‌و مه‌به‌سته‌ ئه‌مڕۆ 15-9-2021 له‌ زنجیره‌یه‌ك كۆبونه‌وه‌و كاروچالاكی جه‌ماوه‌ری، به‌سه‌رپه‌رشتی هه‌ریه‌ك له‌ زوبێر عوسمان و هه‌ژار كوێستانی ئه‌ندامانی سه‌ركردایه‌تی و سه‌رپه‌رشتیارانی لیژنه‌ی هه‌ڵبژاردنی بازنه‌ی (1)ی سۆران، به‌ئاماده‌بوونی به‌رپرس و هه‌ڵسوڕاوانی مه‌كۆی رواندزی بزوتنه‌وه‌ی گۆڕان، زنجیره‌یه‌ك كۆبونه‌وه‌ی جه‌ماوه‌ری و ئۆرگانی به‌ڕێوه‌چوون.

له‌هۆڵی كۆمیته‌ی رواندز، به‌ئاماده‌بوونی كادران و فه‌رمانده‌ی عه‌سكه‌ری و تێكۆشه‌رانی دێرین و لاوان و كه‌سایه‌تی و ژنانی سنوره‌كه‌،كۆبوونه‌وه‌یه‌كی فراوانی جه‌ماوه‌ری ساز كرا .

هه‌ر له‌چوارچێوه‌ی هه‌ڵمه‌تی بانگه‌شه‌ی هه‌ڵبژاردن و ئه‌نجامدانی كارو چالاكییه‌كانی لقی سۆرانی یه‌كێتی ژنانی كوردستان، له‌مه‌راسیمێكدا خه‌ڵات و دیاریان به‌خشییه‌ ئه‌و فرخوازانه‌ی كه‌ به‌شداریان له‌خولی فێربوونی دروومان كردبوو .

له‌كۆمیته‌ی خانه‌قا وه‌رتێ، هه‌ڤاڵان له‌گه‌ڵ كادران و فه‌رمانده‌ی سه‌ربازی و كه‌سایه‌تی كۆمه‌ڵایه‌تی و كه‌سوكاری شه‌هیدان و تێكۆشه‌رانی رێو رێبازی به‌رزی سه‌رۆك تاڵه‌بانی كۆبونه‌وه‌، له‌ كۆبونه‌وه‌كاندا پلان و به‌رنامه‌ی ئاماده‌كارییه‌كان بۆ سه‌رخستنی لیستی هاوپه‌یمانی كوردستان و كاندیدی ژماره‌ی (24) فه‌یسه‌ل كه‌ریم خان برادۆستی له‌بازنه‌ی (1)ی سۆران له‌پارزگای هه‌ولێر بۆ جه‌ماوه‌ری ئاماده‌بوو رونكرایه‌وه‌.

PUKmedia هاوار عه‌باس