كۆڕبەندی ئابووری بازرگان و كارسازانی توركیا و سلێمانی بەرێوەچوو
کوردستان 03:05 PM - 2021-09-15
بەئامانجی زیاتر كاركردن و رێكخستنەوەی پەیوەندیە بازرگانیەكان لەنێوان توركی و سلێمانی كۆڕبەندێكی ئابوری لەنێوان بازرگانان و كارسازانی توركیا و سلێمانی بەرێوەچوو.
ماوەی چەند رۆژێكە ژمارەیەك لە بازرگان و كارسازی توركیا سەردانی ھەرێمی كوردستانیان كردووە لە ھەرەیەكە لە شارەكانی ھەولێر و دھۆك و مووسڵ كۆڕبەندی ئابوریان ئەنجامدا و ئەمرۆش لە شاری سلێمانی كۆربەندێكی تایبەت بەرێوەچوو، بریاریشە سبەینێ لە شاری ھەڵەبجە كۆڕبەندێكی ئابوری بەرێوەبچێت".
مستەفا شێح عەبدولرەحمان، سەرۆكی یەكێتی ھاوردەو ھەناردنكارانی كوردستان بە PUKmedia ی راگەیاند" ژمارەیەك لە بازرگانان و كارسازانی ووڵاتی توركیا سەردانی شاری سلێمانیان كردووە و كۆڕبەندێكمان ئەنجاداوە ، ئەمە یەكەمین جارە بەوشێوەیە وەفدێكی توركیا سەردانی سلێمانی دەكات ".
وتیشی"بازرگانان و كارسازانی توركیا مەبەستیانە كاری ھاوبەش لەگەڵ بازرگانان و پیشەسازانی سلێمانی ئەنجام بدەن و لە شاری سلێمانی كاری وەبەرھێنان ئەنجام بدەن و لەم كۆڕبەندەشدا كاری سەرەكیمان ھەماھەنگی كردنە تاوەكو ئاسانكاری بكەین بۆ ئەوەی زۆرترین بازرگان و كارسازی توركیا لە سلێمانی كاربكەن وەبەرھێنان ئەنجام بدەن".
لای خۆشیەوە نەواف خلوس سەرۆكی كارسازان و بازرگانانی توركیا بە PUKmedia ی راگەیاند" ئەمرۆ بۆ ئێمەی بازرگان و خاوەنكارانی توركیا رۆژێكی گرنگە چونكە لەم كۆڕبەندەدا چاومان بە بازرگانانی سلێمانی كەوتووە ئەوان دەیانەوێت لەم رێگەیەوە و ھەروەھا ئێمەش دەمانەوێت كاری ھوابەش لەم شارەدجا ئەنجام بدەین تاوەكو بە ھەردوولا خزمەتی ھەرێمی كوردستان بكەین ".
وتیشی" ئێمە بارزگانانی توركیا لە ١٧ پارێزگای توركیاوە ھاتووین و دەمانەوێت لە سلێمانی كاری وەبەرھێنان ئەنجام بدەین كە ئەوەش ھۆكارێك دەبێت تاوەكو پەیوەندیە بازرگانییەكانمان لەگەڵ ھەرێمی كوردستان و بەتایبەت شاری سلێمانی پتەوتر بكەین ، لەگەڵ ئەوەشدا شاری سلێمانی لە رووی كلتورییەوە پێشكەوتنی زۆری بەخۆیەوە بینیوە بۆیە ئێمەش دەمانەوێت لەم شارەدا كاری وەبەرھێنان ئەنجام بدەین و زیاتر ئەم شارە بەرەوپێشبەرین".
راشیگەیاند" ئێمە چەند رۆژێكە ھاتوینەتە ھەرێمی كوردستان و لە ھەریەكە لە شارەكانی ھەولێر و دھۆك و موسڵ كۆبەندمان ئەنجام داوە و ئەمرۆش لە سلێمانین و سبەنێش لە شاری ھەڵەبجەی شەھیدین لەگەڵ بازرگانان و كارسازانی ھەڵەبجە كۆدەبینەوە".
ھەڤاڵ ئەبوبەكر پارێزگاری سلێمانی لەبارەی سەردانی بازرگانان و كارسازانی ووڵاتی توركیا بۆ سلێمانی بە PUKmedia ی راگەیاند" وەك پارێزگای سلێمانی سەرجەم ئاسانكارییەكانیان بۆ دەكیەن تاوەكو كاری وەبەرھێنان لەم شارە ئەنجام بدەن ، داواشمان لێ كردوون كە گرنگی بە كوالێتی كاڵاكیانیان زیاتر بدەن تاوەكو لە ھەرێمی كوردستان زیاتر سوودیان لێ وەربگیرێت".
وتیشی" ژمارەیەكی زۆر بازرگان و كارسازی ھەرێمی كوردستان و سلێمانی لە ووڵاتی توركیا كاری بازرگانی و وەبەرھێنان ئەنجام دەدەن ئەوەش بۆ ئەوەیە پەیوەندیە بازرگانیەكان زیاتر پتەو بكرێن و ئەمرۆش ئەو كۆڕبەندە ئەنجام دراوە گرنگی خۆی ھەیە و كاریش دەكرێت بۆئەوەی ئالوگۆڕە بازرگانیەكانمان لەگەڵ توركیا فراوانتر بكەین".
لای خۆشیانەوە بازرگانانی توركیا ستایشی بازرگانان و كارسازانی سلێمانیان كرد كە ھۆكارێكن تاوەكو ئاڵوگۆرە بازرگانیەكان زیاتر پەرە پێ بدەن، ئاماژەژیان بۆ ئەوە كرد كە پەیوەنیدەكانیان زیاتر پەرە پێ دەدەن".
PUKmedia جەمال سەرگەتی
فۆتۆ.. شاد ئیبراهیم
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25