دەرباز كۆسرەت رەسوڵ: یەكێتییەكی بەهێز تاكڕەوی بڕیاردان ناهێڵێت

دەرباز كۆسرەت رەسوڵ رایدەگەیەنێت،  یەكێتی بە سیاسەتی حەكیمانەی جەنابی مام جەلال دەتوانێ چارەسەری كێشەكان بكات و تاكڕەوی لە بڕیاردان نامێنێت.

ئەمڕۆ 14-9-2021، دەرباز كۆسرەت رەسوڵ سەرپەرشتیاری هەڵبژاردن لە پارێزگای هەولێر لە كەرنەڤاڵی ناساندنی كاندیدانی هاوپەیمانی كوردستان لە هەولێر رایگەیاند: دەمانەوێ دەنگی راستەقینەی هەولێر و هەولێرییەكان بین و دەبێت هەولێرییە رەسەنەكان نوێنەرایەتی خەڵكی تێكۆشەر و قارەمانی هەولێربن.

لە درێژەی وتارەكەیدا دەرباز كۆسرەت رەسوڵ رایگەیاند: گۆڕانكارییەكانی ناوچەكە و عیراق پێویستی بە یەكێتییەكی بەهێز هەیەو بە دەنگدانتان دەتوانین بەهێزبین و باڵانسی هێز لە كوردستان راست بكەینەوە، كە باڵانسی هێز راست كرایەوە، تاكڕەوی لە بڕیاردان نامێنێت و یەكێتی بە سیاسەتی حەكیمانەی جەنابی مام جەلال دەتوانێ چارەسەری كێشەكان بكات.

PUKmedia تایبەت