قەراج.. سەربازێكی سوپای عیراق كوژرا

بەرەبەیانی ئەمڕۆ یەك شەممە جارێكی دیكە چەكدارانی داعش  لەسنووری قەزای مەخمور هێرشیان كردە سەر سوپای عیراق و بەهۆیەوە سەربازێك كوژرا و یەكێكی دیكەش برینداربوو.

غازی فەیسەڵ فەرماندەی پێشمەرگەی خۆبەخش لە سنوورەكە بە  PUKmedia ی  راگەیاند: لەئەنجامی هێرشی چەكدارانی داعش  بۆ سەر فەوجێكی سوپای عیراقی لە نزیك ناحیەی قەراجی سەر بە قەزای مەخمور، سەربازێكی سوپای عیراق كوژرا و یەكێكی دیكەش برینداربوو.

وتیشی: هێرشەكەی داعش بەرەبەیانی ئەمڕۆ ئەنجامدراو نزیكەی سەعاتێكی خایاند، دوای روبەروبوونەوەیان لەگەڵ هێزەكەی سوپای عیراقی  داعش پاشەكشەی كرد.

ئاماژەی بەوەشكرد: ماوەیەكە جموجۆلی تیرۆرستان لەسنووری قەزای مەخمور و ناحیەی سەرگەڕان زیادیكردووە و بەهۆیەوە چەندین زیانی گیانی و ماددی بە خەڵكی سنوورەكە گەیاندووە.
PUKmedia تەها عەبدوڵڵا