تەقینەوەیەكی دیكە لەكابولی پایتەخت روویدا

تەقینەوەیەكی تر لەنزیك فڕۆكەخانەی حامد كارزای لەكابولی پایتەختی ئەفغانستان روویدا.

ئاژانسەكانی هەواڵ بڵاویانكردەوە تەقینەوەكە لەدەرئەنجامی هێرشی مووشەكی بووەو بەهۆیەوە چەندین كەس بریندار بوون.

هاوكات ئەنتۆنی بلیكن وەزیری دەرەوەی ئەمریكا رایگەیاند: تائێستا 300 ئەمریكی لەئەفغانستان ماون و كار بۆ دەربازكردنیان دەكەن، چونكە مەترسی لەسەر هێزەكانمان لەكابول زۆر زیادیكردوەو دەمانەوێت رزگاریان بكەین. 

ئێوارەی رۆژی پێنجشەممەی رابردووش، ژمارەیەك تەقینەوە لەنزیك فڕۆكەخانەی كابولی پایتەخت روویانداو بەهۆیەوە زیاتر لە70 كەس كوژران و زیاتر لە  150 كەسی دیكەش برینداربوون.

PUKmedia ئاژانسەكان