راگەیاندن و پەیوەندیەکانی عیراق کۆرەک تیلیکۆم سزادەدات

.

دەستەی‌ راگەیاندن و په‌یوه‌ندییه‌كانی‌ عیراق كۆمپانیای كۆڕەك تێلێكۆمی سزادا و خزمه‌تگوزاریی 4Gی ئه‌و كۆمپانیایه‌شی راگرت.

دەستەى راگەیاندن و په‌یوه‌ندییه‌كانی‌ عیراق ئه‌مڕۆ پێنجشه‌ممه‌ ١٠-٦-٢٠٢١ ، راگەیەندراوێکى بڵاوکردە کە کۆپیەکی دەست PUKmedia کەوتوە، تیایدا ئاماژەى بە سزادانى کۆمپانیاى کۆڕەک تیلیکۆم کرد بەهۆى ئەوەى بەبێ مۆڵەتى دەستەکە خزمەتگوزارى فۆڕجى دەست پێ کردووە.    

ئەوەشخراوەتەروو، کە كۆمپانیاكە هیچ گوێی نەداوە بەهۆشداری و ئاگاداركردنەوەكانی پێشوو.  

جەختیشى لەسەر ئەوە کردۆتەوە کە وەک دەستە سوورن لەسەر جێبەجێكردنی گرێبەستی ئیمزاکراو لەگەڵ كۆڕەك و جێبەجێكردنی یاسا.  

هاوکات دەستەکە بڕیارى ئەوەیدا خزمەتگوزارى فۆڕجی كۆڕەك ڕابگرێت.  

هۆشدارى ئەوەش دراوە، ئەگەر كۆڕەك بەردەوام بێت لە ڕێكلام بۆ فۆڕجی ئەوە سزایتر دەدرێت بەپێی ڕیزبەندی یاسایی و تاوانبار دەكرێت بە زیانگەیاندن بە دارایی گشتی.

PUKmedia