تێزی دكتۆرای خوێندكارێكی كورد لەمیسر بە پلەی شەرەف وەردەگيرێت

.

خوێندكارێكی كورد لەمسیر تێزی دكتۆراكەی لەیەكەم و باشترین زانكۆی مەنسورەی ئەو وڵاتە  بەیەكەم و بەرزترین پلەی زانستیی- (مەرتەبەی شەرەفی یەكەم و چاپكردنی لەسەر ئەركی زانكۆ و ئاڵوگۆڕپێكردنی لەگەڵ زانكۆ عەرەبیی و جیهانییەكان وەرگیرا.

یادگار عەلی خوێندكاری دكتۆرا رایگەیاند: ئەمڕۆ9ی تشرینی یەكەمی 2020  گفتوگۆی تێزی دكتۆراكەم بەناونیشانی (أثر المواقع الإلكترونية للفضائيات الكردية علي ترتيب القضايا عند النخبة الإعلامية الكردية)، ئەنجامدراو پاش گفتوگۆیەكی زۆر و تێروتەسەل، لیژنەی (گفتوگۆ و بڕیار) تێزەكەی بەپلەی (مرتبة الشرف الأولي مع التوصية بالطبع علي نفقة الجامعة والتداول بين الجامعات العربية والأجنبية) لەپسپۆری: (ڕاگەیاندن – ڕادیۆ و تەلەڤزیۆن – بەرهەمهێنانی تەلەڤزیۆنی) پەسەند كرد.

وتیشی: لیژنەی (گفتوگۆ و بڕیار)، پێكهاتبو لەپرۆفیسۆر د. محەمەد ڕەزا سلێمان- سەرۆكی بەشی رادیۆ و تەلەڤزیۆن لە كۆلێژی راگەیاندن – زانكۆی حەدیسە (سەرۆكی لیژنە)، پرۆفیسۆر د.سامی سەعید ئەحمەد ئەلنەجاڕ – پسپۆری رۆژنامەو سەرۆكی بەشی راگەیاندن – كۆلێجی ئاداب – زانكۆی مەنسورە (ئەندام)، پرۆفیسۆر د.عایدە ئیبراهیم ئەلسەخاوی – پسپۆری تیۆرەكانی راگەیاندن – بەشی راگەیاندن- كۆلێژی ئاداب– زانكۆی مەنسورە (ئەندام و سەرپەرشتیار).

PUKmedia