زانكۆی سلێمانی ده‌مامكی نانۆیی ئاماده‌ ده‌كات

.

گروپێك له‌ مامۆستایانی به‌شی كیمیا و جیۆلۆجی له‌ كۆلێجی زانستی زانكۆی سلێمانی جۆرێك له‌ ده‌مامكیان ئاماده‌كردوه‌، كه‌ پشت ده‌به‌ستێت به‌ ته‌كنه‌لۆجیای نانۆ (Nanomaterials-based Masks). ئه‌م ده‌مامكه‌ پێك دێت له‌ چه‌ند  مادده‌یه‌كی نانۆیی له‌گه‌ڵ كانزای سروشتی زۆر ورد. ئه‌م ده‌مامكه‌ دژه‌ی به‌كتریا و ڤایرۆسه‌ هه‌روه‌ها تونای هه‌ڵمژینی چه‌ندین گازی ژه‌هراوی هه‌یه‌ وه‌ك گازه‌ گۆگردییه‌ ژه‌هراوییه‌كان.

ئه‌وه‌ی شایانی باسه‌، مادده‌كانی ئه‌م جۆره‌ ماسكه‌، هه‌رزانن و تێچووی كه‌مه‌و ده‌توانرێت له‌ تاقیگه‌كانی ڤایرۆسات و به‌كتریادا به‌كاربێت. هه‌وه‌ها بۆ خۆپارێزیی له‌ گازه‌ ژه‌هراوییه‌كانی كارگه‌كان و له‌ ژینگه‌ی خۆڵباریندا بۆ خۆپارێزیی له‌ ته‌نۆلكه‌ هه‌ڵواسراوه‌كان (particulate matters, PM10, PM2.5, PM1)،به‌كارده‌هێنرێت.

PUKmedia