یه‌كێك له‌ دامه‌زرێنه‌رانی مایكرۆسۆفت كۆچی دوایی كرد

.

پۆڵ ئاڵن یه‌كێك له‌ دامه‌زرێنه‌رانی مایكرۆسۆفت، له‌ ته‌مه‌نی ٦٥ ساڵیدا له‌ شاری سیاتڵی ئه‌مریكا كۆچی دواییكرد.

كۆمپانیای ڤه‌ڵكان بۆ وه‌به‌رهێنان راگه‌یه‌نراوێكی بڵاو كردووه‌ته‌وه‌ و هه‌واڵی كۆچی دوایی پۆڵ ئاڵن-ی تێدا راگه‌یه‌نراوه‌.

له‌ راگه‌یه‌نراوه‌كه‌ی كۆمپانیای ڤه‌ڵكان كه‌ پۆڵ ئاڵن خاوه‌ندارێتیی ده‌كرد، ئاماژه‌ به‌وه‌ دراوه‌، كه‌ ئاڵن به‌هۆی شێرپه‌نجه‌ی لیمفه‌كانه‌وه‌، دوای نیوه‌رِۆی رۆژی دووشه‌ممه‌ له‌ شاری سیاتڵ كۆچی دواییكردووه‌.

پۆڵ ئاڵن له‌ ساڵی ١٩٧٥دا له‌گه‌ڵ بیڵ گه‌یتس مایكرۆسۆفتی دامه‌زراندووه‌ و دوای نه‌خۆش كه‌وتنی به‌ ماوه‌یه‌ك، كۆمپانیاكه‌ی جێهێشتووه‌ و له‌ رۆژی 15-10-2018 له‌ ته‌مه‌نی 65 ساڵیدا كۆچی دوایی كرد.

PUKmedia ئاژانسه‌كان