فه‌یسبوك و مایكرۆسۆفت سنوور بۆ هێرشه‌ ئه‌لیكترۆنیه‌كان داده‌نێن

.

فه‌یسبوك و مایكرۆسۆفت و FBI سنوور بۆ هێرشه‌ ئه‌لیكترۆنیه‌كان داده‌نێن
وه‌زاره‌تی ئاسایشی ناوخۆی ئه‌مریكا رایگه‌یاند: له‌گه‌ڵ نوێنه‌ری ده‌زگای لێكۆڵینه‌وه‌ی فیدراڵیی ئه‌مریكا و هه‌ردوو كۆمپانیای فه‌یسبووك و مایكرۆسۆفت له‌باره‌ی دانانی سنوورێك بۆ هه‌ڕه‌شه‌ ئه‌لیكترۆنیه‌ ده‌ره‌كییه‌كان كۆبوونه‌ته‌وه‌.

كریستۆڤه‌ر كریبس، جێگری وه‌زیری ئاسایشی ناوخۆی ئه‌مریكا به‌ رۆژنامه‌نووسانی راگه‌یاند: وه‌زاره‌ته‌كه‌ به‌ هه‌ماهه‌نگی له‌گه‌ڵ كۆمپانیای فه‌یسبووك و ماكرۆسۆفت كارده‌كات بۆ به‌ره‌نگاربوونه‌وه‌ی هێرشه‌ ئه‌لیكترۆنیه‌كان و دزه‌پێكردنی زانیارییه‌ هه‌واڵگریه‌كانی ئه‌مریكا.

راشیگه‌یاند: ئه‌م كۆبوونه‌وه‌یه‌ ئاسۆیه‌ك له‌به‌رده‌م هاوكاریی كۆمپانیا ئه‌مریكییه‌كان و ده‌زگاكانی سه‌ر به‌ حكومه‌تی ئه‌مریكا ده‌كاته‌وه‌، بۆ رووبه‌ڕووبوونه‌وه‌ی هێرشه‌ ده‌ره‌كییه‌كان.

ده‌زگای هه‌واڵگریی ئه‌مریكا، روسیا به‌ ده‌ستوه‌ردان له‌ هه‌ڵبژاردن و بانگه‌شه‌ی سه‌رۆكایه‌تیی ئه‌مریكا تۆمه‌تبارده‌كات، هه‌روه‌ها له‌ چه‌ند رۆژی رابردووشدا، كۆمپانیای مایكرۆسۆفت هۆشداری دابوو له‌وه‌ی، چه‌ند گروپێكی نزیك له‌ ده‌زگای هه‌واڵگریی روسیا له‌ هه‌وڵی ده‌ستوه‌ردانن له‌ هه‌ڵبژاردنی كۆنگرێسی ئه‌مریكا.

PUKmedia ئاژانسه‌كان