گسكێكی كارەبایی بە تایبەتمەندی ڕۆبۆت بەرهەمهێنرا

.

گسكێكی كارەبایی بەرهەمهێنراوە كە وەك ڕۆبۆت دەتوانێت خۆی كاری پاك كردنەوە ئەنجام بدات.

لە ساڵی 1996ەوە چەندین كۆمپانیای جیهانی هەوڵەكانیان خستۆتە گەڕ، تا ئامێرە كارەباییەكانی ناو ماڵ بگۆڕن بە ئامێرێكی ڕۆبۆتی، لە كۆتاییدا كۆمپانیای ILIFEتوانی گسكێك بەرهەمبهێنێت كە وەك ڕۆبۆت كار دەكات، گسكەكە ناوی

 IlifeV8s  چەندین تایبەتمەندی سەرنج ڕاكێشی تێدایە، لەوانە گسكەكە لەسەر هەموو زەویەك كار دەكات، ئەمە سەرەڕای ئەوەی لەسەر كومبار و فەڕش دەتوانێت جوڵە بكات، خاوەنەكەی تەنها  كات و ڕووبەری ماڵەكەی لەسەر ڕێك دەخات.

ئەم گسكە زیاتر بۆ ئەو كەسانە بە سودە كە بەتەنها لە ماڵێكدا دەژین، یان ئەو كەسانەی كاریان زۆرەو كاتیان كەمە، هەروەها ئەو كەسانەی لە ماڵەكانیاندا ئاژەڵی ماڵی بەخێو دەكەن و بەردەوام بە دەست وەرینی تووكەوە دەناڵێنن، بۆیە ئەم گسكە ڕۆبۆتیە پاك و خاوێنی ماڵەكەیان ڕادەگرێت.

PUKmedia  و/گۆران قادر