وێنه‌ی نوێترین ئۆتۆمبێلی كیا ئاشكراكرا

.

كیا مۆتۆرز تازه‌ترین دیزاینی Kia Quorisی نایابی ئاشكرا كرد، ئه‌ویش له‌ ڕێگه‌ی نمایشكردنی زنجیره‌یه‌ك وێنه‌ی ده‌ره‌وه‌ و ناوه‌وه‌ی ئۆتۆمبێله‌كه‌، دروستكردنی دیزاینی Quorisی نوێ به‌ هه‌ماهه‌نگیی ته‌واو له‌ نێوان باره‌گای دیزاینی جیهانیی كۆمپانیای Kia له‌ نامیانگ له‌ كۆریا و ستۆدیۆی دیزاینی ئه‌مه‌ریكی بۆ هێمای بازرگانی، له‌ ئیرڤین له‌ ویلایه‌تی كالیفۆڕنیا بووه‌.

 كۆریس كۆكراوه‌ی نێوان دیزاینێكی هاوسه‌نگ و جوان له‌گه‌ڵ هێلكاریی رێك و جوان و ورده‌كاریی ئه‌ندازه‌ییه‌ و كه‌شوهه‌وایه‌كی هاوچه‌رخ له‌ رێكوجوانی و سه‌رنجڕاكێشی ده‌خاته‌ سه‌ر ئۆتۆمبێلی  نه‌فه‌رهه‌ڵگری گه‌وره‌. دیزاینه‌رانی كیا ئه‌و دیزاینه‌یان له‌ چه‌مكی دیزاینی " Gravity of Prestige" وه‌رگرتووه‌، كه‌ تایبه‌تمه‌نده‌ به‌ توانا و هێز له‌ رێگه‌ی ورده‌كارییه‌ ده‌وڵه‌مه‌نده‌كانی و پلێته‌ پته‌وه‌كه‌ی.

ره‌گه‌زی سه‌ره‌كی له‌ دیزاینی تازه‌ترین سیسته‌می QUORIS له‌و شاسیی نوێ و ره‌چه‌ڵه‌كه‌ دێرینه‌كه‌ی پێشوویه‌تی، ئه‌و گۆڕانكارییه‌ ورده‌ له‌ ره‌چه‌ڵه‌كی QUORIS ئاماژه‌یه‌كی به‌هێزه‌ له‌سه‌ر رووبه‌ره‌ فراوانه‌كه‌ی و په‌ره‌پێدانی چاكسازیكردن له‌ كوالیتیی سواربوون و ره‌خساندنی رووبه‌رێكی فراوانتر بۆ سه‌رنشینان له‌ ناوه‌وه‌.

دیزاینێكی جوان و ساده‌ی ناوه‌وه‌

جوانه‌ له‌ رووی دیزاینه‌وه‌، هه‌روه‌ها به‌ دیزاینێكی ساده‌ له‌سه‌ر شێوازێكی به‌رز، شوێنی دانیشتنی QUORIS ی نوێ شوێنێكی ئارام وهێمن بۆ شوفێر فه‌راهه‌م ده‌كات بۆ به‌سه‌ربردنی كاتێكی خۆش. هه‌روه‌ها كیا زنجیره‌یه‌ك له‌ تایبه‌تمه‌ندی پێشخستووه‌ كه‌ چێژێكی زیاتر به‌ به‌كارهێنه‌رانی ده‌به‌خشێت.

شوێنی دانیشتن به‌جۆرێك دیزاین كراوه‌ تا رووبه‌ر و حه‌وانه‌وه‌یه‌كی زیاتر دابین بكات، جامه‌كانی كه‌ درێژتر و زۆر فراوانترن خۆشحاڵییه‌كی زیاتر به‌ سه‌رنشینانی ده‌به‌خشێت به‌ به‌روارد له‌گه‌ڵ نه‌وه‌كانی پێشخۆی، هه‌رچی كوشنه‌كانیشیه‌تی به‌ پێستی ئه‌سڵی رازاوه‌ته‌وه‌، له‌گه‌ڵ داشبۆرد و به‌ره‌ ده‌رگه‌ نه‌رمه‌كانی كه‌ دیمه‌نێكی زۆر جوانی به‌ناوه‌وه‌ی ئۆتۆمۆبیله‌كه‌ به‌خشیوه‌.

تازه‌ترین ئۆتۆمبێلی Kia QUORIS  له‌ كۆریای باشوور دروست ده‌كرێت.

PUKmedia