ئەپڵ ئایپاد بۆ مامۆستایان و خوێندكاران دەردەكات

.

لە هەنگاوێكی نوێدا و ئە ئامانجی سەرنجڕاكێشانی مامۆستاو خوێندكاران، كۆمپانیای ئەپڵ ئەیپادێكی نوێ بە نرخێكی هەرزان دەردەكات و چەندین تایبەتمەندی فێركردنی تێدایە.

وا بریارە كۆمپانیای ئەپڵ هەفتەی داهاتوو لە پێشانگای شیكاگۆ ئامێرێكی ئەیپاد بە نرخێكی هەرزان دەربكات كە تایەت دەبێت بە مامۆستاو خوێنكاران، لەوبارەیەوە مارك جۆرمان لە پێگەری بلومبێرگ ئاشكرای كرد كە  ئەپڵ هەستاوە بە گەشەپێدانی ئامێرەكەی كە زیاتر گرنگی دەدات بە فێربوون و زانست، ئامانجی ئەم كارەشی بۆ ئەوەیە سەرنجی فێرخوازان بۆ لای خۆی ڕابكێشێت، ئەمیش دوای ئەوەی گۆگڵ و مایكرۆسۆفت توانیان لە بازاڕی فێركردندا سەركەوتنێكی گەورە بەدەستبهێێن و سەرنجی گشت لایەك بۆ خۆیان ڕابكێشن.

لە ئێستادا ئامێرەكەی ئەیپاد لە نرخی ئامێرەكانی تری ئەپڵ هەرزانترە و تەنها نرخی 330 دۆلارە،لەگەڵ هەرزانی نرخەكەی ئەپڵ نرخی تێچووی ئامێرەكەی ئاشكرا نەكردووە.

ساڵی ڕابردوو  كۆمپانیای ئەپڵ ئامێری ئایپاد پۆری لە كۆنگرەی WWDC نمایش كرد، ئەم ئامێرەش هاوشێوەی ئایپاد پرۆ چەندین تایبەتمەندی گرنگی تێدایە، بەڵام قەبارەی شاشەكەی  10.5 ئینجە و كامێرەكەشی هاوشێوەی كامێرەی ئایفۆن 7.

بلومبێرگ لە كۆتایدا ئەوەشی ئاشكرا كرد كە كۆمپانیای ئەپڵ لە ئێستادا كار لە سەر لاپتۆپێكی نوێ دەكات بە ناوی ( ماك بووك) كە نرخەكەی لە 1000 دۆلار كەمترە، كە پێدەچێت جێگەی ئامێری ماك بووك ئێر بگرێتەوە.

PUKmedia  و/ گۆران قادر
س: الیوم السابع