جێب چیرۆكی 2019 به‌رهه‌مهێنرا

.

له‌ هه‌نگاوێكی چاوه‌ڕوان نه‌كراودا كۆمپانیای جێپی ئه‌مریكی نوێترین ئۆتۆمبێلی خۆی له‌ جۆری چیرۆكی 2019 ی به‌رهه‌مهێنا و له‌ چالاكیه‌كانی پێشانگای نێوده‌وڵه‌تی دیترۆیت 2018 دا نمایشی كرد كه‌ چه‌ندین گۆرانكاری تیایدا ئه‌نجامدراوه‌.

شێوه‌ی ده‌ره‌وه‌ی:

كارێكی ئاساییه‌ كه‌ جێب چیرۆكی 2019 چه‌ندین گۆرانكاری ئه‌ندازیاری له‌ به‌شی ده‌ره‌وه‌یدا ئه‌نجام بدرێت، له‌ به‌شی پێشه‌وه‌یدا گۆرانكاری ته‌واوی كردووه‌ و تایبه‌تمه‌ندی BI-LED ی بۆ لایتی پێشه‌وه‌ داناوه‌.

له‌به‌شی پشته‌وه‌شیدا كه‌ لایته‌كانی بۆ چه‌ند مه‌به‌ستێك به‌كارده‌هێنرێت  له‌به‌شی سه‌ره‌وه‌یدا شریتێكی لایتی له‌ جۆری LED زیاد كردووه‌، هه‌روه‌ها ده‌عامی و لاته‌نیشته‌كانیشی گۆرانكاری تیدا كردووه‌.

ده‌شبۆرد:

ده‌شبۆردی ئه‌م ئۆتۆمبێله‌ ته‌كنه‌لۆژیای زیاتری بۆ دانراوه‌ كه‌ هاوكاری شۆفێره‌كه‌ی ده‌كات بۆ ئاسانی به‌كارهێنی تایبه‌تمه‌ندیه‌كانی ئۆتۆمبێله‌كه‌ وه‌ك ته‌كنه‌لۆژیای Uconnect ی نوێ، هه‌روه‌ها تایبه‌تمه‌ندی كارپله‌ی و ئه‌ندرۆید ئۆتۆ ی هه‌یه‌، شاشه‌یه‌كیش به‌ قه‌باره‌ی 7 ئینج و 8.4 ئینجی تێدایه‌.

توانستی جیب چیرۆكی 2019:

ئۆتۆمبێله‌كه‌ خاوه‌نی 9 گیری ئۆتۆماتیكه‌، خاوه‌نی سێ بزوێنه‌ری هه‌یه‌ كه‌:

یه‌كه‌میان چوار بستۆنه‌ به‌ قه‌باره‌ی 2.4 لیتر كه‌ توانای 180 ئه‌سپی هه‌یه‌.

دووه‌میشیان له‌ جۆری V6  كه‌ توانای 271 ئه‌سپی هه‌یه‌.

سێیه‌م جۆری 4 بستۆن به‌ قه‌باره‌ی 2 لیتر له‌گه‌ڵ تێربۆ تچارد كه‌ توانای 270 ئه‌سپی هه‌یه‌.

PUKmedia و/ گۆران قادر