نه‌شته‌رگه‌ریی دەگمەن بۆ بریندارێكی بوومه‌له‌رزه‌كه‌ی كرماشان كرا

.

ده‌ستی ڕاستی منداڵێكی حه‌وت ساڵان كه‌ به‌هۆی بوومه‌له‌رزه‌وه‌ بڕدرابوو، پاش چوار سه‌عات تێپه‌ڕبوون به‌ سه‌ر جیابوونه‌وه‌ی؛ له‌ نه‌شته‌رگه‌رییه‌كی ده‌گمه‌ندا چاندرایه‌وه‌.

به‌پێی ڕاپۆرتێكی رۆژنامه‌یه‌كی ئێران، ئه‌فشین قاسمی یه‌كێك له‌ پزیشكانی نه‌شته‌گه‌ریی منداڵی ئاماژه‌ بۆكراو سه‌باره‌ت به‌م نه‌شته‌رگه‌رییه‌ رایگه‌یاند: كه‌ منداڵه‌كه‌ له‌ بارودۆخێكی باش دایه‌و نه‌شته‌رگه‌رییه‌كه‌ به‌ سه‌ركه‌وتوویی ئه‌نجام دراوه‌.

دكتۆر كه‌یخه‌سره‌و مه‌ردانپوور دكتۆری ناسراوی ئێران كه‌ به‌ "په‌نجه‌ زێڕین" ناوبانگی ده‌ركردووه‌، سه‌باره‌ت به‌و نه‌شته‌رگه‌رییه‌، وتی: له‌م نه‌شته‌رگه‌رییه‌ دژاوره‌دا به‌ خۆشحاڵییه‌وه‌ توانرا به‌ ته‌واوه‌تی چاندنه‌وه‌ی ده‌ستی ئه‌م كوڕه‌ حه‌وت ساڵانه‌ ئه‌نجام بدرێت.

ئه‌م نه‌شته‌رگه‌رییه‌ ده‌گمه‌نه‌ به‌بێ به‌رامبه‌ر له‌ نه‌خۆشخانه‌ی بێستوون له‌ لایه‌ن ئه‌فشین قاسمی و كه‌یخه‌سره‌و مه‌ردانپوور له‌ ماوه‌ی چوار سه‌عاتدا ئه‌نجام درا.

به‌ وته‌ی دكتۆر كه‌یخه‌سره‌و مه‌ردانپوور، هه‌موو ڕۆژێك نه‌شته‌رگه‌رییه‌كی زۆر له‌ نه‌خۆشخانه‌ی بێستوون كه‌ سه‌ر به‌ كه‌رتی تایبه‌ته‌ به‌ شێوه‌ی بێ به‌رامبه‌ر ئه‌نجام ده‌درێت و ئه‌مه‌ش له‌ پێناو خزمه‌تگه‌یاندنه‌ به‌و خه‌ڵكانه‌ی كه‌ له‌ بوومه‌له‌رزه‌كه‌دا زه‌ره‌رمه‌ند بوون.

PUKmedia سه‌رچاوه‌: رۆژنامه‌ی جام كوردی