ئه‌پی یوتیوب كێشه‌ بۆ پاتری به‌كارهێنه‌رانی ئای ئۆ ئێس دروستده‌كات

.

ئه‌گه‌ر وه‌شانی ئای ئۆ ئێس 11.1.1ــت له‌سه‌ر مۆبایله‌كه‌ت دامه‌زراندبێت، له‌وانه‌یه‌ هه‌ستت به‌ فیڕۆچوونی نائاسایی وزه‌ی پاتریه‌كه‌ت كردبێت له‌و وه‌شانه‌دا. به‌ پێی لێدوانه‌كانی پێگه‌ی Reddit و پێگه‌ كۆمه‌ڵایه‌تیه‌كان بێت، ئه‌گه‌ر هه‌یه‌ ئه‌و به‌فیڕۆ چوونه‌ نائاساییه‌، په‌یوه‌ندیدار بێت به‌ ئه‌پی یوتیوبه‌وه‌.

به‌ هۆكاری هه‌بوونی كێشه‌یه‌ك له‌كۆتا وه‌شانی یوتیوبدا، كه‌ بوه‌ته‌ هۆی ئه‌وه‌ی ته‌نانه‌ت ئه‌په‌كه‌ له‌و كاته‌ی له‌ باروودۆخی پاشبنه‌ماشدا كاره‌كانی خۆی به‌ڕێوه‌ببات، توانستێكی زۆر له‌ وزه‌ی پاتریه‌كه‌ به‌فیڕۆ بدات. خۆشبه‌ختانه‌ تیمی یوتیوب، ئه‌م باسه‌ی پشتڕاست كردۆته‌وه‌، ده‌شڵێت به‌مزوانه‌ وه‌شانێكی نوێ بۆ چاره‌سه‌ركردنی ره‌وانه‌ ده‌كه‌ن.

وه‌ ده‌وترێت ته‌نها ئه‌په‌كه‌ ئه‌و كێشه‌یه‌ی نیه‌. به‌ڵكو هه‌ندێك به‌كارهێنه‌ران باس له‌وه‌ ده‌كه‌ن، ئه‌پی یوتیوب بوه‌ته‌ هۆكاری ئه‌وه‌ی مۆبایله‌كه‌یان له‌ كاتی بارگاویی كردنه‌وه‌دا، به‌ شێوه‌یه‌كی زۆر گه‌رم ببێت. هه‌رچه‌نده‌ هێشتا دیار نییه‌ كێشه‌ی گه‌رمبوونه‌ زیاد له‌ پێویستی به‌كارهێنه‌رانی ئای ئۆ ئێس له‌ كاتی بارگاوی كردنه‌وه‌دا، په‌یوه‌ندیداره‌ به‌و كێشه‌یه‌ی له‌ ئه‌پی یوتیوبدا هه‌یه‌.

تیمی یوتیوب هێشتا كاتی بڵاوبوونه‌وه‌ی وه‌شانه‌ چاكسازیه‌كه‌یان ئاشكرا نه‌كردووه‌، به‌ڵام تا ئه‌و كاته‌ی یوتیوب وه‌شانه‌كه‌ به‌رده‌ست ده‌خات، واباشتره‌ به‌كارهێنه‌رانی سیسته‌می وه‌گه‌ڕخه‌ری ئای ئۆ ئێس، سود له‌ وێبگه‌ڕه‌كان ببینن بۆ سه‌یركردنی ڤیدیۆیه‌كان.

PUKmedia تۆڕی ته‌كنه‌لۆجیای زانیاری كوردی