مۆبایلێك بۆ پشتگیری له‌نه‌وه‌ی پێنجه‌م به‌رهه‌مده‌هێنرێت

.

له‌ماوه‌كانی ڕابردوودا چه‌ندین جار ده‌نگۆی بڵاوبوونه‌وه‌ی  تۆڕی نه‌وه‌ی پێنجه‌م 5G له‌لایه‌ن چه‌ند كۆمپانیایه‌كه‌وه‌  بڵاوبوویه‌وه‌، به‌ڵام هیچ به‌رهه‌مێك به‌دی نه‌كرا كه‌ پشتگیری له‌و نه‌وه‌ پێشكه‌ووتوه‌ بكات، تا كۆمپانیای كوالكۆم به‌رهه‌مهێنای مۆبایلێكی راگه‌یاند كه‌ نه‌وه‌ی پێنجه‌میش ده‌خوێنێته‌وه‌.

له‌و باره‌یه‌وه‌ شریف حه‌نا به‌ڕێوه‌به‌ری فرۆشتنی كه‌رتی LTE  و 5Gله‌ تویتێكدا له‌ هه‌ژماری خۆیدا وێنه‌ی مۆبایلێكی بڵاو كرده‌وه‌ كه‌ پشتگیری له‌ تۆڕه‌كانی نه‌وه‌ی پێنجه‌م ده‌كات و له‌سه‌ر وێنه‌ نوسیویه‌تی  (ئه‌سته‌مه‌ باوه‌ڕكردنی كه‌ من له‌سه‌ر ئاستی جیهان یه‌كه‌م مۆبایلی زیره‌كم به‌ده‌ستهێنا كه‌ پشتگیری نه‌وه‌ی پێنجه‌م ده‌كات).

ده‌رباره‌ی تایبه‌تمه‌ندیه‌كانی تری مۆبایله‌كه‌ش ماڵپه‌ری TOI  هیندی ئاشكرای كرد كه‌ مۆبایله‌كه‌ پشتی له‌ شوشه‌ دروستكراوه‌ له‌گه‌ڵ بوونی ده‌بڵ كامێره‌ و فلاش، هه‌روه‌ها لۆگۆی بازرگانی كوالكۆم سناپدراگۆن له‌ پشتی مۆبایله‌كه‌ دراوه‌.
ماڵپه‌ره‌كانی تریش ئاماژه‌ به‌وه‌ ده‌كه‌ن ئه‌م دیزاینی مۆبایله‌ كۆتا دیزاین نابێت، به‌ڵكو نموونه‌یه‌كه‌ بۆ پشتگیری كردنی تۆری  نه‌وه‌ی پێنجه‌می مۆبایله‌ زیره‌كه‌كان.

جێی باسه‌ كۆمپانیای كوالكۆم له‌ كۆنگره‌یqualcomm snapdragon X5 5G  توانی سه‌ركه‌وتوو بێت له‌به‌رهه‌مهێناین نه‌وه‌ی پێنجه‌م بۆ مۆبایله‌ زیره‌كه‌كان.

PUKmedia و/ گۆران قادر
س: الیوم السابع