Heşt sal bi ser koça dawî ya Ebdulrezaq Feylî re derbas dibin

PUKMEDIA

Endamê desteya damezrîner a Yekîtiya Niştimanî ya Kurdistanê Ebdulrezaq Feylî

Heşt sal bi ser koça dawî ya Ebdulrezaq Feylî, heval û dostê Serok Mam Celal û yek ji endamên damezrîner ên Yekîtiya Niştimanî ya Kurdistanê re derbas dibin.

Ebdulrezaq Feylî, endamê desteya damezrîner a Yekîtiya Niştimanî ya Kurdistanê (YNK), berî heşt salan ji ber nexweşiyê li bajarê pizişkî ya Faroq koça dawî kir.

Ebdulrezaq Feylî mamosteyê Kurdîtiyê, hevalê desteya damezrîner a YNKê, hevalê Serok Mam Celal û parêzvanê têkoşîna gelê Kurdistanê bû.

Postê dawî yê heval Ebdulrezaq Feylî yê nemir berpirsiyarê peywendiyên derve yên YNKê bû.

Jînenîgariya Ebdulrezaq Feylî….

Endamê desteya damezrêner yê Yekîtiya nîştimanî yê Kurdistanê, ew di sala 1945an de li Bexdayê ji dayik bû.

Wî xwendina xwe ya seretayî li dibistanek Feyliyan, xwendina piştî navendî jî li dibîstana Qeşe Yeû`iyan a Amerîkî li Bexdayê temam kir, û paşê wêjeya Îngilîzî li Zanîngeha Hîkme li Bexdayê xwend.

Kariyera siyasî ya Ebdulrezaq Feylî di sala 1959an de dest pê kir, dema ku ew di 14 saliya xwe de tevlî Partiya Demokrat a Kurdistanê (PDK) bû. Ji ber temenê wî yê ciwan, qebûlkirina wî wekî endam heta sala 1961an hate paşxistin. Lê wek xwendekar karê xwe di rêzên yekîtiya xwendevanên Kurdistanê dewam kir.

Piştî pêketina şer li Kurdistanê û hilweşandina Sekreteriya Yekîtiya Xwendekaran, wî û çend hevalên wî li Bexdayê sekreteriyek demkî ji bo Yekîtiya Xwendekaran ava kirin.

Di havîna 1963an de, ew bi gumanbariya têkiliyên bi rêxistinên PDKê re hate girtin, ji ber vê yekê ew neçar ma ku salek ji dibistanê dûr bikeve.

Di sala 1964an de, piştî darbeya leşkerî ya Ebdulselam Arif, ew hate berdan û vegeriya xwendina xwe.

Di sala 1967an de ji zanîngehê mezûn bû û di rojnameya Nur de, ku ji hêla baskê mekteba siyasî ya PDKê li Bexdayê ve dihat weşandin, wekî hesabgir hate damezrandin.

Di sala 1970an de, ew li fermangeha Titûnê li Bexdayê hate damezrandin.

Di sala 1971an de, piştî yekbûna her du baskên Partiya Demokrat a Kurdistanê (PDK), ew bû endamê mekteba Sekreteriya Yekîtiya Lawên Kurdistanê û sala din bû Sekreterê Giştî yê Yekîtiya Lawên Kurdistanê.

Di sala 1974an de, ew tevlî şoreşa Kurd bû û heta dawiya rejîma Baasê xebata xwe domand.

Piştî hilweşîna Şoreşa Kurdistanê di sala 1975an de, ew li Nexdeyê bi cih bû û bi Adil Murad re wekî nûnerê xwendekarên Kurdistanê çû Sûriyeyê.

Di heman salê de, ew bi Mam Celal re li Sûriyeyê têkilî danîn, ku bi projeya damezrandina Yekîtiya Niştimanî ya Kurdistanê mijûl bû. Wan wekî du endamên desteya damezrîner beşdarî damezrandina YNKê bûn.

Di vê demê de, rêveberiya kampa Qamîşloyê, ku kampek ji bo perwerdekirina yekîneyên Pêşmerge yên partîzan bû, wekî beşek ji projeya ji nû ve destpêkirina têkoşîna çekdarî li Kurdistanê, ew spartin wî.

Di sala 1977an de, ew ji Sûriyeyê derket û li Brîtanyayê bi cih bû.

Di sala 1979an de diçe Sûriyê, li wir bi rêya Îranê vegeriya Kurdistanê û li Newzengê bi cih bû.

Di sala 1981an de ji ber aloziyên di navbera Îran û YNKê de ji aliyê Îranê ve neh mehan hate girtin.

Di sala 1983an de serbest hate berdan û ji Îranê vegeriya Sûriyê.

Di sala 1984an de ji Sûriyê derket û çû welatê Swêdê.

Piştî serhildanê, di dawiya sala 1992an de vegeriya Kurdistanê û pileya kargêr li malbenda yekem a li Silêmaniyê wergirt û dibe berpirsê pêwendiyan.

Di sala 1999an de diçe Brîtanyayê û bû rêveberê malbenda derve ya YNKê. Di vê demê de, ji bo rêxistina In Diet xebitî, ku belgeyên li ser jenosîd û tawanên li dijî mirovahiyê kom dikir.

Di sala 2002an de vegeriya Kurdistanê, heta sala 2005an, Wezîrê Peywendiyan û Alîkarê Rêveberiya Silêmaniyê ya Hikûmeta Herêma Kurdistanê bû.

Di sala 2009an de bû endamê Komîteya Bilind a Mekteba Rêxistinî.

Di sala 2010an de, ew ji bo Beşa peywendiyên Derve ya mekteba peywendiyên Giştî ya YNKê hate destnîşan kirin.

Di 13ê Hezîrana 2018an de li Silêmaniyê koça dawî kir û her li Silêmaniyê hate veşartin.

PUKMEDIA