Balyozxaneya Amerîkayê ji welatiyên xwe xwest ku ji Îraqê derkevin

PUKMEDIA

balyozxaneya Amerîka

Balyozxaneya Amerîkayê li Bexdayê roja Pêncşemê hişyariyek ewlehiyê ya lezgîn da welatiyên xwe û ji wan xwest ku neçin Îraqê û yên ku li wir tavilê derkevin, destnîşan kir ku gefên ewlehiyê û armancgirtina Amerîkiyan û berjewendiyên wê zêde bûn, Got Herêma Kurdistanê jî di nav de.

Daxuyaniyê zelal kir ku Nûnartiya Dewletên Yekbûyî yên Amerîkayê li Îraqê tevî fermana derketinê jî vekirî dimîne, da ku alîkariya welatiyên Amerîkî yên li Îraqê bike. got jî ji ber gefên berdewam ên mûşek û dronên li qada hewayî ya Iraqê, neçin balyozxaneya li Bexdayê an konsulxaneya giştî ya li Hewlêrê.

Komên çekdar ji bo ewlehiya giştî li Îraqê gefek cidî çêdikin.Van koman li seranserê Îraqê, di nav de tesîsên dîplomatîk, karsazî, binesaziya enerjiyê û deverên din ên ku tê bawerkirin ku bi Amerîkayê ve girêdayî ne, di nav de li Herêma Kurdistanê jî, êrîş kirine û egera êrîşên bêtir jî heye. Her wiha wan êrîşî balafirgehên bazirganî û otêlên ku biyanî lêne armanc girtin. Dibe ku ev kom hewl bidin ku Amerîkiyan birevînin. 


Balyozxaneyê amaje bi wê jî kir ku li Îraqê qada asmanî girtî ye rêyên bejahî bo Tirkiyê , Urdin, Kuwêt û Siûdiyê vekirî ye, niha bijardeya derketin bi rêya bejahî heye divê Amerîkî di van rêyan de derkevin.
Her weha balyozxaneyê rawestandina xizmetên konsulxaneyê yên rûtîn, tevî xizmetên vîzeyê, ragihand û ji welatiyan xwest ku ji kombûn û xwepêşandanan dûr bisekinin, rêwerzên rayedarên herêmî bişopînin, dabînkirina xwarin, av û dermanan biparêzin, û nûvekirinên ji Wezareta Derve ya Dewletên Yekbûyî yên Amerîkayê bi berdewamî bişopînin.


PUKMEDIA