HSD û hikûmet amadekariyan bo berdana grûpa 4. ya girtiyên dikin

Rewangeha Sûrî bo Mafên Miroavan

Dîmenek ji pevguhertina girtiyan

Di çarçoveya cîbicîkirina Rêkeftina 29ê Çile di navbera Hêzên Sûriya Demokratîk (HSD) û Hikûmeta Demkî ya Sûriyê de, her du alî amadekariyan dikin ku li bajarê Hesekê danûstandineke nû ya girtiyan bidin destpêkirin.

Ev helmeta çaremîn ji bo pevguhertina girtiyan di navbera her du aliyan de gelekî girîng e ji ber hewldanên ji bo kêmkirina aloziyan û çareserkirina pirsgirêka dîlên şer ku ji aliyê her du aliyan ve têne girtin, di çarçoveya têgihîştinên heyî de.

Roja 20ê Adarê de, Rewangeha Sûrî ya Mafên Mirovan ragihandibû ku grûpa sêyemîn ya girtiyan wekî beşek ji danûstandina di navbera Hêzên Sûriye Demokratîk (HSD) û Hikûmeta Demkî ya Sûriyê de, li gorî Rêkeftina 29ê Çile, hatiye berdan ku têde 300 girtiyên ji her aliyekî, ji bilî heşt şervanên jin yên ji Yekîneyên Parastina Jinan (YPJ) jî di nav xwe de digirt, û bi vî awayî hejmara giştî ya kesên ku ji destpêka helmeta pevguhertina girtiyên hatine berdan gihîştiye 608 kesan.

Rewangeha Sûrî ya Mafên Mirovan hewlên hemû aliyên ku beşdarî serkeftina pêvajoya pevguhertinê bûne bilind dinirxîne û tekez dike ku pêwîste çarenivîsa bi sedan girtiyên ku hîna jî di mercên ne diyar de ne têne girtin, rastî binpêkirinan tên û ji mafên xwe yên bingehîn bêpar in, tavilê were eşkerekirin.

PUKMEDIA