Di ketina firokeyekê de 66 serbaz li Kolombiya mirin

Ajans

Firokeyek serbazî li Kolombiya ket xwarê

Firokeyeke serbazî ya Hercules li Kolombiyayê ket xwarê, di encamê de bi dehan leşker û efser mirin û bi dehan jî winda ne.

Îro Sêşem rêkefta (24-03-2026) an Serfermandarê hêzên çekdar yên Kolombiyayê Hugo Alejandro López Barreto ragihand ku di ketina firokeyeke serbazî de 66 kes, di nav de 58 leşker, şeş karmendên hêzên hewayî û du polîs, canê xwe ji dest dan û çar leşker hîna jî winda ne.

Carlos Claros karbidestê hikûmeta Kolombiya ragihand ku tîm hemû hewlên xwe didin daku leşkerên birîndar derxînin û aşkere kir ku 81 birîndar hatine dermankirin û birine navendên tenduristiyê.

Li gorî zanyariyên General Carlos Fernando Silva, fermandarê hêzên esmanî yê Kolombiya, 114 leşker û 11 endamên tîmê di balafirê de hebûn, bi vî awayî hejmara giştî gihîşt 125 kesan.

Firokeya Hercules C-130 bû û yek ji girîngtirîn balafirên veguhastina leşkerî bû.

PUKMEDIA